Luke 12:28 - Te Gongo Gaoi

²⁸ Ka nimaa konaa na haa mago e te 'Aitu na mi'i mouku i ona laka manga noho i te 'aso nei, kae seu ki te ahi i te 'aso 'ao, 'ai e he'e tegeu'a ake a koutou ko te 'Aitu e taubabae ia te koutou o haa mago ia te koutou? Na sano o'outou hu'ai mi'i me'a!

Luke 12:28 Mawu Ofanana

Matthew 14:31

Ma te ghali a Jesus o 'oso ki te gima, kae hai atu, “Te sano o'ou e hu'ai boboko. Tehea te hai 'anga e he'e sano ai koe?”

Matthew 16:8

Na na'a e Jesus tegatou hegeunga nei, ma te haka anu kinai o hai atu, “ 'Eaa manga hegeu ai koutou ki te he'e tau bred 'anga? Koutou hu'ai gigiki outou sano!

Matthew 17:17

Ma te haka tau a Jesus o hai atu, “Koutou te 'atu tangata he'e too kia God ma te hai hai 'anga songo. E hai ke kohea na noho goa taku haka pata kia te koutou?! E hai ke kohea na noho goa taku hai tuku kia te koutou?! Kakabe mai te mi'i tangata kia te Au i te kunga nei.”

Matthew 17:20

Ma te haka tau atu a Jesus, “Iteme'agaa koutou e pau o gigiki toto'a 'outou sano. Ko Au e gea maa'ogi kia te koutou: Koutou poi gigiki outou sano o noho po te mi'i hatu me'a o te ga'akau e ingoa te ‘mustard’, koutou manga 'aonga te hai atu ki te ogo nei, ‘Ngaso'i atu i te kunga nei ki tegaa kunga,’ ka ngaso'i. Kago si'ai ni me'a haingata'a kia te koutou.

Matthew 6:30

Nimaa konaa na noho na haa mago 'anga e God na lakaa me'a o mouku, manga noho i te aso nei kae seu ki te ahi i te 'aso 'ao, 'ai ko Ia ka he'e haka soo atu te haa mago e Ia ia te koutou? Koutou hu'ai gigiki 'outou sano kia God!

Matthew 8:26

Haka tau atu a Jesus, “ 'Eaa koutou e matataku toto'a ai? 'Outou sano hu'ai gigiki!” 'Io tu'u Ia o susugi na oko ma na ngagu, kae manga pau o magino.

Luke 8:25

Kae hai atu a Jesus ki ona pegea haka ako, “Tehea te sano o 'outou?!” Ko kigatou noko matataku ma te he gege ma'ugi 'aki o kogaa agatou he hakaanu 'aki, “Te pegea aa tenei, te gea ki na oko ma te moana o mangangao kia te Ia?”