Luke 1:76 - Te Gongo Gaoi

⁷⁶ Ka ko koe taku tama 'iti'iti, e hai ke go mate ia te koe te taauga o te 'Aitu e Hu'ai Ma'u 'agunga; ia te koe e hai kego mataa hai hekau kia te 'Agiki i te haka ngaague te aga kia te Ia,

Luke 1:76 Mawu Ofanana

Matthew 14:5

Ko Herod noko gotu ke taa eia ia John, ka noko mataku ki na pegea, iteme'agaa na tegeu'a ake kigatou ko ia te taauga.

Matthew 21:26

Ka nimaa hai atu kitatou, ‘Te hai 'anga mai a pegea,’ ko kitatou e matataku ki te 'apitanga, iteme'agaa kua na'a e kigatou, ko John te taauga.”

Matthew 3:11

“Koau manga haa gogomi eau ia te koutou i te bai ke haka 'agi koutou kua sui tegeu'a, ka ko Ia e hai ke go mugi mai ia te au e hu'ai taganga o sigi ia te au, e he'e 'aonga te he to'o 'aki eau ona taka ba'e, ko Ia e hai ke go haa gogomi ia te koutou i te Spirit Tapu ma te ahi.

Matthew 3:3

Ko John tenei te pegea noko gea kinai te taauga ia Isaiah: “Te ge'o o te pegea e ngege i te tugatea, ‘Haka ngaague he aga ki te 'Agiki; haka tinogaoi ba'i kunga kia te Ia.’ ”

Mark 11:32

Ka nimaa hai atu kitatou, ‘Te hai 'anga mai a pegea’ ...” (Ko kigatou noko matataku ki te 'apitanga, iteme'agaa ko ba'i pegea kua na'a e kigatou ko John e maa'ogi te taauga.)

Luke 1:32

Ko Ia e hai ke go hua'eha ma te go mate te hosa o te 'Aitu Hu'ai Ma'u'agunga. Te 'Agiki ia te 'Aitu e hai ke go tuku kia te Ia te hakahua 'anga a te tupuna ia David.

Luke 1:35

Ka noko haka tau te ensel kia te ia o hai atu kinai, “Te Spirit Tapu e hai ke go a'u kia te koe, ma na taganga o te 'Aitu Hu'ai Ma'u'agunga e hai ke go ekenga ia te koe, ka te tama 'iti'iti tapu e hai ke go sopo ia te koe e hai ke go mate te Hosa o te 'Aitu.

Luke 6:35

Ka koutou maa'ine atu ki outou makau, ma te hai me'a gaoi atu kia te kigatou, ma te manga muna o 'abatu ma'agatou ni me'a, kae noka tautou hakasano ke go giu'aki kia te koutou, ka ke go hua'e'eha ai autou ga'unga, ka ke go hai ma'u ai ni tamagiki ma'a te 'Aitu Hu'ai Ma'u 'agunga ia te koutou, iteme'agaa ko Ia e 'agoha ma'u i na pegea he'e tagamagie, ma na pegea hai hai 'anga songo.

John 1:23

Haka tau kinai a John i na hakahegeunga a Isaiah te taauga, o hai atu, “Ko au te ge'o o te launatasi e ngege i te tugatea, ‘Haka tinogaoi ake te aga kia te 'Agiki.’ ”

John 1:27

Ko Ia e mugi mai ia te au. E he'e 'aonga te bebete e au ona taka ba'e.”

John 3:28

Ko koutou ma'u manga 'aonga te hogahoga e koutou taku hai atu 'anga: ‘Ko au he'e te 'Agiki Taga'ia, ka ko au noko mataa haka to'o mai ia te Ia.’