John 6:5 - Te Gongo Gaoi

⁵ Nimaa keu ake a Jesus o kite atu e Ia te hu'ai tu'uganga e boomai kia te Ia, ma te haka anu kia Philip o hai atu, “Kitatou ka tau'i utunga i hea ke haangai ai te hu'ai tu'uganga nei?”

John 6:5 Mawu Ofanana

Matthew 15:33

Ma te hakatau atu ona pegea haka ako, “E hai kimatou kohea na hai 'ia ni utunga i te kunga gaabaki nei, ke 'aonga te haangai ai te hu'ai haka putunga?”

Mark 6:32

Ma te boo soko i te baka ki te kunga gaabaki,

Luke 9:10

Nimaa giu mai na pegea haka to'o, ko kigatou noko 'atigongo kia Jesus i nia kua 'oti i te hai e kigatou, ma te kakabe e Jesus ia te kigatou o boo soko ki te launatasi manaha, e mate ko Bethsaida.

John 1:43

Nimaa i tegaa 'ao, kae tegeu'a a Jesus ke hano ki Galilee. Manga kite ia Philip, o hai atu kinai, “Tata'o mai ia te Au.”

John 1:44

Ko Philip te pegea mai Bethsaida, te manaha ma'u o Andrew ma Peter.

John 1:45

Kite a Philip ia Nathaniel o hai atu kinai, “Kua kite e kimatou te pegea noko kanukanu ai a Moses i na Tagangonga. Ma te taga gongo ma'u ai na taauga: Ko Jesus mai Nazareth, te Hosa o Joseph.”

John 1:46

Ma te hakaanu atu a Nathaniel, “Nazareth! Te kunga na ma 'aonga te sopo mai ai he hai 'anga gaoi?!” Ma te hai atu kinai a Philip, “Manga a'u o ina kinai.”

John 1:48

Haka anu atu kinai a Nathaniel, “E kohea na na'a e Koe ia te au?” Haka tau a Jesus o hai atu kinai, “Ko Au noko ina kia te koe i te gago o te ga'akau e ingoa te ‘fig’, 'io mugi a Philip o gea kia te koe.”

John 4:35

Koutou e ta'anga hai ake, ‘E toe te haanga maahina ka ke matu'a na 'umanga’, ka ko Au e hai atu: 'Ai lugaluga ake 'outou mata o hiina'i gaoi atu ki na 'umanga: Na me'a sanga kua 'oti i te matu'a, kua ngaague ke utu.