Yuuda 1:7 - Mandinka Bible

⁷ Sodomu niŋ Komora, ì niŋ ì dandanna saatewolu fanaa la kuwo keta nuŋ wo le ñaama. Ì la moolu tarata laañooyaa kuu jawoolu le la, ka ì daa duŋ malu kuu jawu kewo to. Ì la badaa-badaa yankankatoo dimbaa kono keta dandalaaroo le ti moolu bee ye.

Yuuda 1:7 Mawu Ofanana

1 Musa 13:13

Sodomunkoolu mu moo jawu baalu le ti, ì ka tu junuboo ke la Yaawe ñaatiliŋo la.

1 Musa 18:20

Wo le to Yaawe kumata ko, “Tuumiroo warata Sodomunkoolu niŋ Komorankoolu kaŋ baake le, aduŋ ì la junube kuu kewo tambita jawuke.

1 Musa 19:5

Bituŋ ì ye Luuti kumandi, ì ko a ye ko, “Wo kewolu lee, mennu naata i yaa ñiŋ wulaaroo? Ì fintindi naŋ banta, ŋà ì laañooyaa.”

1 Mansoolu 22:46

Hani batudulaa tintiŋolu to cakoolu mennu too tuta kabiriŋ a faamaa Asa la maraloo waatoo la, a ye ì bee bayi bankoo kaŋ ne.

Yesaya 1:9

Niŋ Yaawe Alihawaa Maariyo* maŋ doolu tu ǹ ye jee nuŋ, ì ye baluu, m̀ be ke la le ko Sodomu niŋ Komora saatewolu.

Yesaya 13:19

Babiloni keta mansamarali bankoolu bee kono ñaroo le ti, a moolu ka tintiŋ wo kuwo le la, bari Alla le be ì la bankoo kasaara la ko Sodomu niŋ Komora.

Yesaya 33:14

Junubelaalu mennu be Siyoni, kijoo farata le. Jarajaroo dunta Alla sookilaalu la. Ì ko, “Jumaa le be ntolu kono, meŋ niŋ Yaawe la dimbaa si tara noo ñoo kaŋ? Jumaa le be ntolu kono, meŋ si tara noo dimbaa dendeŋo la, meŋ buka faa noo?”

Yeremiya 20:16

Allamaa wo maarii ye ke ko Yaawe ye saatewolu mennu kasaara nuŋ, a maŋ balafaa ì ye. Allamaa a ye wuurikaŋo moyi soomandaa, aniŋ kele wuuroo, tilibuloo.

Yeremiya 50:40

Ko nte Alla ye Sodomu niŋ Komora kasaara ñaameŋ, ì niŋ ì dandanna saatewolu, moo te sii la Babiloni fanaa, sako moo si sabati jee.” Yaawe le ye a fo.

Niikuyaa Suukuwolu 4:6

Hee, jaraboo meŋ laata n na saatee moolu kaŋ, wo le tambita Sodomu taa la, meŋ kasaarata kataba kiliŋ, bulu maŋ maa a la.

Hoseya 11:8

“Bari Efurayimu, n si i bula noo ñaadii le? Banisirayila, n si m bo noo i to ñaadii le? N si ali kasaara noo ñaadii le ko Aduma saatewo, waraŋ Seboyimu saatewo? Ali la kuwo ye n niyo kuyaa le, balafaa ye m futufaa.

Amosi 4:11

“Ŋa kasaaroo tiliŋ ali la, ko ŋa Sodomu niŋ Komora kasaara ñaameŋ. Moolu mennu kanata ali kono, ì la kuwo keta le komeŋ niŋ i ye taalamaa kuntoo wafu naŋ dimbaa kono. Bari hani wo bee, ali maŋ soŋ muru la n kaŋ.” Yaawe le ye a fo.

Matiyu 10:15

Tooñaa, m be a fo la ali ye, kiitiiluŋo be sooneeyaa la Sodomu niŋ Komora saatewolu le ye ka tambi wo saatewo la, meŋ balanta alitolu ma.

Matiyu 11:24

Wo kamma la, m be a fo la ali ye, kiitiiluŋo be sooneeyaa la Sodomu le ye ka tambi alitolu la.”

Matiyu 25:41

“Bituŋ a si naa a fo a maraalankoolu fanaa ye ko, ‘Ali bo nte bala, alitolu mennu dankata. Ali duŋ badaa-badaa dimbaa kono, meŋ parendita Ibiliisa niŋ a la dookuulaalu ye.

Luka 17:29

Bari luŋo meŋ na, Luuti fintita Sodomu saatewo kono, dimbaa niŋ solifa munkoo* jiita naŋ ka bo saŋo santo, a ye ì bee kasaara.

1 Korintinkoolu 6:9

Fo ali maŋ a loŋ ko, moo tilimbaloolu te Alla la mansabaayaa keetaa la? Ali ali hakiloo tu, moo kana ali neenee! Laañooyaa tulunnaalu, jalambatulaalu, jeenelaalu, luutikankewolu,

5 Musa 29:23

Solifa munkoo* niŋ koo si senebankoo bee tiñaa, feŋ te fii la jee, hani ñaamoo te faliŋ na jee. Ali la bankoo si ke ko Sodomu niŋ Komora, aniŋ Aduma niŋ Seboyimu, Yaawe ye mennu kasaara a la kamfaa saŋaroo tumoo la.

2 Tesalonikankoolu 1:7

Alla be dahaa dii la alitolu le la, mennu toorandita, aduŋ a be dahaa dii la m̀ fanaa la le. Ñiŋ ne be ke la, niŋ Maarii Yeesu fintita naŋ ka bo saŋo santo, a niŋ a la malaayika sembemaalu.

2 Tesalonikankoolu 1:8

Ì be naa la dimbaa mala baa kataŋo kono ka moolu joo yankankatoo la, mennu maŋ Alla loŋ, aniŋ ì maŋ m̀ Maarii Yeesu la kibaari betoo muta.

2 Pita 2:2

Baadiŋ jamaa be bula la ì la malubaliyaa kuwolu nooma le. Ì la wo karandiroo be a tinna le, moo koteŋolu be kuma jawoo fo la ñiŋ tooñaa siloo ma.

2 Pita 2:6

A ye Sodomu niŋ Komora saatewolu fanaa halaki le ka ì kasaara, a ye ì ke seebuutoo ti. A ye wo ke taamanseeroo le ti kuwo to, meŋ be ke la allantaŋolu la.

2 Pita 3:7

Bari saŋ fatoolu niŋ ñiŋ duniyaa, mennu be sotoriŋ saayiŋ, ì be sotoriŋ Alla la wo yaamari kiliŋo le kaŋ, fo ì si kasaara dimbaa la. Ì be tara la keriŋ ne fo kiitiiluŋo la, aniŋ allantaŋolu la kasaara luŋo.