Yuuda 1:11 - Mandinka Bible

¹¹ Kooroo be itolu ye le, kaatu ì bulata Kaabiila la siloo le nooma. Ì ye ì faŋ dii kodilandiyaa la, meŋ keta Balaamu fanaa la boyoo ti nuŋ. Ì keta balannaalu ti ko Kora, aduŋ ì be kasaara la wo le ñaama.

Yuuda 1:11 Mawu Ofanana

2 Mansoolu 16:16

Bituŋ Piriisi Uriya ye a bee ke, komeŋ mansa ye a fo a ye ñaameŋ.

Yesaya 3:11

Bari kooroo be moo kuruŋolu ye, maasiiboo be naa boyi la ì kaŋ ne. Ì ye meŋ dookuu, ì be ì joo la wo le la.

Yesaya 3:9

Ì mankutoo le keta ì seedoo ti. Ì ka tintiŋ ì faŋolu la junuboolu la le ko Sodomunkoolu, ì buka a maabo. Kooroo be boyi la ì kaŋ ne, ì ye maasiiboo naati ì faŋolu kaŋ.

Yeremiya 13:27

Ŋa i la kuu ñewundiŋolu le je, i la jeenoo niŋ sabatibaliyaa, aniŋ i la cakayaa maañaa, konkoolu kaŋ aniŋ kenoolu kono taariŋ. Ite Yerusalaamu, kooroo be i ye! Janniŋ waati jumaa le ite be seneyaa noo la?”

Esekiyeli 13:3

Maarii Yaawe ye ñiŋ ne fo ko: “Kooroo be wo faniyaa annabiyomoolu ye, mennu ka bula ì fansuŋ miiroolu nooma. Ì ka ì fansuŋ kuwolu le bankee mennu maŋ soto.

Mika 6:5

N na moolu, ali i miira Balaki Mowabi mansa ye feeroo meŋ siti ali kamma nuŋ, aniŋ Balaamu Bewori dinkewo ye a jaabi ñaameŋ. Ali i miira ali la taamasiloo la, ka bo Sitimu ka taa Kilikali, ali be a kalamuta la le, nte Yaawe ye baara kendoolu mennu ke.”

Jakariya 11:17

“Kooroo be kantarilaa nafantaŋo ye, meŋ ye i bo koorewo to. Keloo si i semboo baŋ, a ye i bulubaa ñaa kasaara. I buloo si baki, i bulubaa ñaa ye finki.”

4 Musa 31:16

Ñiŋ musoolu le mu moolu ti mennu bulata Balaamu la yaamaroo nooma, ì ye Banisirayilankoolu filindi ka ì koo dindi Yaawe la, jalambatoo siloo la Pewori Konkoo to. Wo ye a saabu alibalaa kuuraŋo naata Yaawe la moolu kaŋ.

Matiyu 11:21

A ko, “Kooroo be alitolu Korasininkoolu ye! Kooroo be alitolu Betisayidankoolu ye! Kaatu kaawakuwolu mennu keta nuŋ ali la saatewolu kono, niŋ a ye a tara, wolu keta Tire niŋ Sidoni saatewolu le kono, tennuŋ ì banta booto funtoolu duŋ, ì ye seebuutoo maa, ka ì la tuuboo yitandi.

5 Musa 23:4

kaatu ì balanta le ka domoroo niŋ jiyo dii ali la, kabiriŋ ali be taamasiloo kaŋ ka bo naŋ Misira bankoo kaŋ. Wo bee kaŋ ì naata Bewori dinkewo Balaamu joo ka naa ali danka. Wo Balaamu bota naŋ Pewori saatewo le to Mesopotamiya bankoo kaŋ.

Hiburunkoolu 11:4

Ka bo niŋ lannoo le la, Haabiila ye sadaa* betoo bondi Alla ñaatiliŋo la, ka tambi Kaabiila taa la. Ka bo niŋ wo la, Alla ye a muta moo tilindiŋo ti, aduŋ a ye seedeyaa betoo ke a la kuwo to, biriŋ a sonta a la sadaa la. Haabiila faata ñaa-wo-ñaa, bari a la lannoo kamma la, a la kuwo ka tu fo la le hani saayiŋ.

2 Pita 2:15

Ì ye sila tilindiŋo bula le, ì naata fili. Ì ye Balaamu la siloo le nooma, Bewori dinkewo, meŋ ye a la kuu jawoo ke tinewo kanoo kamma la.

1 Yohana 3:12

M̀ maŋ ñaŋ na ke la ko Kaabiila meŋ bota Seetaanoo* bala, a ye a doomaa faa. Aduŋ muŋ ne ye a tinna a ye a faa? Kaatu a la kebaaroolu le jawuyaata, a doomaa la kebaaroolu tilinta.

Lankenemoo 2:14

Bari nte ye kuu dantaŋ ne soto ka i tuumi. Moo doolu le be ali kono jee, mennu be Balaamu la karandiroo nooma kaŋ. Ate le ye Balaki karandi ka Banisirayilankoolu dundi marisa kuwo kono ka ì boyindi. A ye ì duŋ feŋolu domoo to, mennu bota jalaŋolu ye sadaa* ti, aniŋ ka laañooyaa tuluŋo ke.