Yuuba 9:4 - Mandinka Bible

⁴ Alla le mu sembetiyo ti, aniŋ ñaameŋo. Jumaa le nene ka balaŋ a ma, a ye a maarii wati?

Yuuba 9:4 Mawu Ofanana

2 Taarika 13:12

Alla be m̀ fee le ka ǹ ñaatonkayaa, aduŋ a la piriisoolu fele, ì niŋ ì la footaŋolu, ì pareeta ka mennu fee ka keloo kumandi ali kamma. Banisirayila moolu, ali kana Yaawe kele, ali mumuñolu la Alla, ali te nooroo ke la.”

2 Taarika 20:6

A ko: “Hee Yaawe, m̀ mumuñolu la Alla, fo ite le maŋ ke Alla ti, meŋ be Arijana kono? Fo ite le maŋ mara ñiŋ duniyaa bankoolu bee ma? Semboo niŋ waroo bee be ite le bulu, moo te i loo noo la i fee.

Yuuba 11:6

A ye ñaameŋo kulloolu lankenemayandi i ye, kaawakuu baalu, hadamadiŋo buka mennu fahaamu noo. I be a loŋ na wo le to ko, Alla ye ñiŋ jaraboo meŋ laa i kaŋ, wo mu domandiŋo le ti, niŋ i ye a niŋ baara kuwo laa, i ye meŋ ke.

Yuuba 12:13

Bari ñaameŋo niŋ semboo be Alla le bulu, ate le mu yaamaroo diilaa ti, aniŋ fahaamuroo.

Yuuba 15:13

Muŋ ne ye a tinna i be kamfaa la Alla kamma, ka ñiŋ kuma siifaalu bondi i daa kono?

Yuuba 23:6

Fo duŋ, ate le be kiitiyo kuwo ñiŋ ñaatonkayaa la baŋ, ka n silandi niŋ a semboo la? Bari hanii, a be i lamoyi la m fanaa la kumakaŋo la le.

Yuuba 24:22

Alla le ka sembetii baalu bondi ì noo to a la mansabaayaa semboo la. Ì kamalita ñaa-wo-ñaa, niŋ ate wulita, ì buka jiki soto ì la baluwo la kuwo to kotenke.

Yuuba 25:2

Kandaayaa niŋ silaŋo semboo, wo be Alla le bulu. Ate le ye kayiroo sabatindi a la Arijanoo kono santo.

Yuuba 28:23

Alla doroŋ ne ye a taaraŋ siloo loŋ, aduŋ ate le fanaa ye a dulaa loŋ.

Yuuba 36:5

Alla mu sembetiyo ti ñaa-wo-ñaa, bari a buka jutunnayaa kuu tiliŋ moo la. A semboo warata, aduŋ a la fahaamuroo warata.

Yuuba 37:23

Moo le buka futa noo Alla Tallaa dulaa ma. A semboo warata le, aniŋ a la tiliŋo. A tilinta le pet, aduŋ a buka jenke.

Yuuba 38:36

Jumaa le ye ñaameŋo dii sondomoo la, waraŋ ka fahaamuroo dii hakiloo la?

Yuuba 38:37

Jumaa le ye ñaameŋo soto ka saŋ tawaloolu yaatewo loŋ noo? Jumaa le ka samaajiyo yelema ì kono naŋ ko jiibindaa,

Yuuba 40:9

Fo i ye semboo soto le baŋ ko nte Alla, fo i si diyaamu noo baŋ ko nte Alla, komeŋ saŋ feteŋo?

Yuuba 41:2

Fo i si juloo duŋ noo a nuŋ huwo la baŋ, waraŋ ka a ŋaaŋaa soo dooliŋo la?

Yuuba 6:10

Wo le be ke la nte la dahaa ti. N si podiŋ-podiŋ seewoo kamma la, m be dimi jawoo kono ñaa-wo-ñaa, kaatu m maŋ Mansa Senuŋo la yaamaroolu soosoo.

Yuuba 9:19

Niŋ ŋa semboo tiliŋ a la, ate le semboo warata n ti. Niŋ n taata kiitiyo la karoo la, jumaa le be ate samane noo la?

Jabuuroolu 104:24

Kooni Yaawe, i ye meŋ daa a siyaata le. I ye ì bee daa i la ñaameŋo le kono. Duniyaa be faariŋ i la daafeŋolu le la.

Jabuuroolu 136:5

Ate le ye saŋ fatoolu daa a la ñaameŋo la, a la kanu bambaloo be tu la le fo abadaa.

2 Musa 15:7

I la mansayaa la waroo kaŋ, i ye i jawoolu bee faa. I ye i la kamfaa jawuyandi, a ye ì jani komeŋ siimaŋ kaloolu.

2 Musa 9:7

Firawoona ye kewolu kii ka taa kisikisiroo ke, ì ye a je ko, hani Banisirayilankoolu la beeyaŋ kiliŋ ne maŋ faa. Hani wo, a sondomoo be jaariŋ, a balanta moolu bula la, ì ye taa.

Kuma Kotoomaalu 28:14

Neemoo be moo le ye, meŋ ye Yaawe ñaasilaŋo soto, bari moo meŋ ka a faŋo jusoo jandi, a ka duŋ bataa le kono.

Kuma Kotoomaalu 29:1

Ì ka moo meŋ yaamari waati-wo-waati, hani wo a buka i lamoyi, jee niŋ jee a si kasaara, a la haajoo te jaara noo la kotenke.

Yesaya 45:9

Kooroo boyita moo kaŋ ne, meŋ niŋ a Daamansoo ka sonka. A maarii maŋ ke feŋ ti, fo daa telendaŋolu mennu be fayiriŋ bankoo to. Fo boo ka a fo boodaalaa ye le ko, “I ka muŋ ne daa?” waraŋ, “A maŋ dadaa kuu”?

Yeremiya 50:24

Ite Babiloni, ŋa dooliŋo le laa i ye, a ye i muta, aduŋ i maŋ a loŋ. Ŋa i soto le, ŋa i ñankoŋ, kaatu i ka nte Yaawe le kele.

Daniyeli 2:20

“Tentoo be Alla ye fo abadaa, meŋ taa mu ñaameŋo niŋ semboo ti.

Nahumu 1:3

Yaawe semboo warata le, aduŋ a la kamfaa maŋ tariyaa. A la jarabiroo te kuu kuruŋ kelaa hani kiliŋ ne kaari la. Saafoñotoo le mu a taaraŋ siloo ti, aniŋ sanji foñoto baa. A siŋo ka tawaloolu wulindi le ko niŋ kankaŋo be tii la.

Roomankoolu 11:33

“Tooñaa, Alla la fankoo warata le, a la ñaameŋo niŋ londoo! Moo buka a la kiitiyolu kisikisi noo, a la siloolu buka loŋ noo.”

1 Korintinkoolu 10:22

Fo ǹ lafita Maariyo kiiliyandi la le baŋ? Fo ntolu le bambanta ate ti baŋ?

Efesusinkoolu 1:19

Allamaa ali ye Alla la sembe baa kataŋo fanaa loŋ, meŋ be ntolu lannamoolu ye. Alla ka dookuwo ke ǹ kono a la wo sembe baa le la,

Efesusinkoolu 1:8

A ye hiinoo meŋ boŋ ǹ kaŋ, a maŋ dasa. A ye ǹ londi ñaameŋo niŋ fahaamuroo bee le la,

Efesusinkoolu 3:10

Ka bo niŋ wo siloo la, maralilaalu niŋ sembetiyolu mennu be Arijana dinkiraalu to, ì si Alla la ñaameŋo diinoŋolu loŋ ka bo niŋ Yeesu la kafoo la.

Efesusinkoolu 3:20

Tenturoo niŋ jayiroo be ate le ye, meŋ ka kuwolu bee ke noo hani ka tambi, ǹ ka a daani mennu la, waraŋ ǹ ka mennu miira. Tenturoo be ate le ye, meŋ ka ñinnu bee ke semboo la, meŋ be dookuwo la ntolu kono.