Yuuba 9:3 - Mandinka Bible

³ Moo niŋ a si ñoo saba noo ñaadii le? A si ñininkaari wuli kiliŋo ñininkaa noo, moo te hani kiliŋ ne jaabi noo la a ye.

Yuuba 9:3 Mawu Ofanana

Yuuba 10:2

M be a fo la Alla ye le: Kana n halaki. A fo n ye, daliiloo meŋ ye a tinna, i be n tuumi la.

Yuuba 13:19

Jumaa le si soŋ fo noo nte ma? Niŋ wo si soto, wo to nte be n deyi la le, ŋa faa.

Yuuba 33:13

Muŋ ne ye a tinna i ye Alla tuumi, kaatu a maŋ i la ñininkaaroolu jaabi?

Yuuba 34:23

A maŋ jari Alla ye ka waati londi ka hadamadiŋo kiitindi.

Yuuba 40:2

“I niŋ nte Alla Tallaa le be ñoo saba la baŋ? I lafita n soosoo la le baŋ? Wo to n jaabi.”

Yuuba 40:5

Ŋa landatambi diyaamoo le ke, bari a be daŋ na wo le la.”

Yuuba 9:14

Saayiŋ nte si Alla jaabi noo ñaadii le? M be kumakaŋolu bo la mintoo le, n niŋ a be ñoo saba la mennu la?

Yuuba 9:20

Hani niŋ a ye a tara m be tooñaa le kaŋ, m fokumoo le be m boyindi la. Hani niŋ m maŋ sootaari soto, ate le be n na boyoo yitandi la.

Jabuuroolu 19:12

Jumaa le ka a faŋo la boyidaalu je noo? Yaawe, yamfa n na sootaaroolu ma, m maŋ mennu kalamuta.

Jabuuroolu 40:12

Mantoora kuwolu be n ye karoo bee le la, n te ì yaatewo konti noo la. N na junuboolu tambita n kunna le, fo m buka n je noo. Ì siyaata n kuntiña kesoolu ti le, fo n jikilateyita.

Roomankoolu 9:20

Bari ite, hadamadiŋo, jumaa le mu ite ti ka kumoo murundi Alla kaŋ? Fo meŋ daata si a fo noo a daalaa ye ko, “Muŋ ne ye a tinna i ye n daa teŋ?”

1 Yohana 1:8

Niŋ ǹ ko, m̀ maŋ junuboo soto, wo to ǹ ka m̀ faŋolu le neenee, aduŋ tooñaa maŋ tara ǹ kono.

1 Yohana 3:20

Wo kamma la, niŋ ǹ sondomoolu ye ǹ tuumi, ǹ si a loŋ ko, Alla le warata ǹ sondomoolu ti, aduŋ ate ye kuwolu bee le loŋ.