Yuuba 9:16 - Mandinka Bible

¹⁶ Niŋ ŋa a samane, a ye n danku, n te laa la ñiŋ na ko, a be i lamoyi la m fokumoo la le.

Yuuba 9:16 Mawu Ofanana

Yuuba 13:22

Wo to i foloo ye diyaamu, nte si naa i jaabi, waraŋ i ye m foloo bula ŋa diyaamu, i si naa n jaabi.

Yuuba 29:24

N ka tara muyi la ì ye le, niŋ ì maŋ jiki soto ì faŋ to, n ñaatoŋo la diyaa le ka ì jikindi ì faŋ to.

Yuuba 9:15

M be tooñaa kaŋ ñaa-wo-ñaa, n te m faŋ kanandi noo la. Nte si meŋ ke noo, wo le mu, ŋa balafaa ñini a bulu, ate meŋ mu kiitiikuntulaa ti.

Yuuba 9:17

A si n kasaara niŋ foño baa la, a ye n na dimoo lafaa, a te ke la daliila kaŋ ti.

Jabuuroolu 126:1

Kabiriŋ Yaawe* ye moolu samba naŋ Siyoni* ka bo mutoo kono, a mulunta m̀ fee le ko, m̀ be siiboo le la.

Jabuuroolu 18:6

N na niikuyaa kaŋ, ŋa Yaawe kumandi, ŋa n na Alla kumandi ka m maakoyi. Ka bo naŋ a batudulaa to, a ye n kaŋo moyi, a tuloo ye n kumboo kaŋo moyi le.

2 Musa 6:9

Musa ye ñiŋ fo Banisirayilankoolu ye, bari ì maŋ i lamoyi a la, kaatu ì kijoo bota ì la joŋyaa dookuu koleŋo le la.

Luka 24:41

Bari ì maŋ laa seewoo niŋ jaakaloo kamma la. Bituŋ a ko ì ye ko, “Fo ali maŋ domori feŋ soto jaŋ baŋ?”

Kiitindirilaalu 6:13

Kideyoni ko a ye ko, “Bari m maarii, niŋ a ye a tara Yaawe be ntolu fee le, muŋ ne ye a tinna ñiŋ kuwo bee keta ntolu la? Ǹ na alifaa foloolu ka a fo ǹ ye le ko, ‘Yaawe le ye m̀ bondi naŋ Misira.’ Saayiŋ duŋ, a la wo kaawakuwolu be mintoo le? Yaawe ye a daa bo ntolu la kuwo to le, a ye ǹ duŋ Midiyaninkoolu bulu.”