Yuuba 8:3 - Mandinka Bible

³ Fo Alla ka tooñaa nakari le baŋ? Waraŋ fo Alla Tallaa ka tiliŋo nakari le baŋ?

Yuuba 8:3 Mawu Ofanana

1 Musa 18:25

A koyita le ko, i te moo kendoolu niŋ moo kuruŋolu faa la ñoo la, ka moo kendoolu dundi moo kuruŋolu la jaraboo kono. I niŋ wo kuwo kewo ye jamfa ñoo la. Ite meŋ mu duniyaa kiitiikuntulaa ti, fo i te kiitiikuntoo ke la niŋ tooñaa le la baŋ?”

2 Taarika 19:7

Ka bo saayiŋ na, ali si Alla ñaasilaŋo soto, ali si ali hakiloo tu ali kekuwo to, kaatu Yaawe, ǹ na Alla buka soŋ tilimbaliyaa la, faasaaroo, waraŋ dukoo.”

Yuuba 10:3

Nte batandoo ye muŋ nafaa le soto ite ye? Muŋ ne ye a tinna i be balaŋ na feŋo to, ite faŋo ye meŋ daa? Muŋ ne ye a tinna, i be kuruŋolu bula la, ì la feere kuwolu be ñaatotaa soto la?

Yuuba 19:6

Fo ali maŋ ñiŋ loŋ ko, Alla faŋo le ye ñiŋ laa nte kaŋ? Ate faŋo le ye a la jaloo miniŋ n na.

Yuuba 19:7

N woosiita, fitina kuwo meŋ laata n kaŋ, dankuru maŋ ke n na kuwo to. Ŋa deemaaroo ñini, bari tooñaa maŋ soto.

Yuuba 21:15

Jumaa le mu Alla Tallaa ti, fo meŋ be a tinna la ntolu be a batu la? Ntolu la a daanoo be muŋ nafaa le soto la ǹ ye?”

Yuuba 21:20

Allamaa ì faŋo ñaakesoolu ye loo ì la kasaaroo kaŋ, ì ye Alla Tallaa la kamfaa jiimaa miŋ.

Yuuba 34:5

Yuuba ye ñiŋ ne yitandi ko, ate maŋ sootaari soto, Alla le balanta ka a la kuwo tooñaayandi.

Yuuba 35:13

Tooñaa-tooñaa, Alla Tallaa te i danku la a la woosii kuma kenseŋo la, a te i lamoyi la a la.

Yuuba 36:23

Jumaa le ka a la siloolu yitandi a la, waraŋ jumaa le si a fo noo a ye ko, “Alla, i ye ñiŋ meŋ ke teŋ, a maŋ tiliŋ”?

Yuuba 36:3

N na londoo la fanoo ye a sii le, ka n Daamansoo la tiliŋo yitandi.

Yuuba 37:23

Moo le buka futa noo Alla Tallaa dulaa ma. A semboo warata le, aniŋ a la tiliŋo. A tilinta le pet, aduŋ a buka jenke.

Yuuba 4:17

“Fo hadamadiŋo si tiliŋ noo Alla ñaa koto baŋ? Hadamadiŋo si seneyaa noo a Daamansoo ñaatiliŋo la baŋ?

Yuuba 40:2

“I niŋ nte Alla Tallaa le be ñoo saba la baŋ? I lafita n soosoo la le baŋ? Wo to n jaabi.”

Yuuba 40:8

Ite si a fo noo baŋ, nte maŋ tiliŋ, i be nte le jalayi la baŋ, ka i faŋo la kuwo tooñaayandi?

Yuuba 9:2

Tooñaa-tooñaa, ŋa a loŋ ne ko, ñiŋ kumoo mu tooñaa le ti. Bari hadamadiŋo si boloo noo Alla ma ñaadii le?

Jabuuroolu 89:14

I la mansayaa be looriŋ tiliŋo niŋ tooñaa le kaŋ. I ka tu tilindiŋ ne doroŋ, aduŋ kanu bambaloo le be i fee.

Jabuuroolu 99:4

Mansa baa, i ye tooñaa kanu le. I ye i la tiliŋo londi moolu teema le, i ye tiliŋo niŋ tooñaa le ke Banisirayila kono.

Esekiyeli 18:25

“Hani wo ali ka ñiŋ ne fo ko, ‘Maariyo la kiitiyo maŋ tiliŋ.’ Alitolu Banisirayilankoolu, ali i lamoyi n na. Nte le la kiitiyo maŋ tiliŋ baŋ? Wo ye a tara alitolu faŋolu le tilimbaliyaata.

Esekiyeli 33:17

“Ite hadamadiŋo, i la moolu Banisirayilankoolu ka ñiŋ ne fo ko: ‘Maariyo la kiitiyo maŋ tiliŋ,’ wo ye a tara i la moolu faŋo le tilimbaliyaata.

Esekiyeli 33:20

Hani wo ali ka a fo le ko, ‘Maariyo la kiitiyo maŋ tiliŋ.’ N ko: Hee Banisirayilankoolu, m be moo-wo-moo kiitindi la le ko a la baluuñaa be ñaameŋ.”

Daniyeli 9:14

Yaawe, wo le ye a tinna i ye waatoo parendi ka ñiŋ kasaara kuwo samba naŋ ǹ kaŋ, kaatu ite Yaawe ǹ na Alla, ka taama tiliŋo doroŋ ne la, kuwolu to i ka mennu ke. Ntolu le maŋ i la kumoo muta.

Roomankoolu 2:5

Bari i sondomoo bambanta le, i maŋ soŋ tuuboo la. Wo le ye a tinna i be Alla la kamfaa baa kafu kaŋ ñoo ma i faŋo ye fo Alla la kamfaa baa luŋo la, a la kiitii tilindiŋo be lankenema la luŋo meŋ na.

5 Musa 32:4

Ate le mu Semberaŋ Bere Baa ti, a kekuwolu maŋ sootaari soto, a la siloolu bee tilinta. Alla foroyaata le, faniyaa te a la kuwo to, ate mu tiliŋo niŋ tooñaa le ti.

Lankenemoo 15:3

Ì be Annabilayi Musa la suukuwo laa kaŋ, meŋ mu Alla la dookuulaa ti, aniŋ Saajiiriŋo la suukuwo. Ì be a fo kaŋ ko: “Ite Maariyo, Alla Mansa Tallaa, i la baara kuwolu warabaata le, ì kaawakuuyaata. Ite mu Mansa le ti nasiyoŋolu bee kunto, i la siloolu mu tiliŋo niŋ tooñaa le ti.

Lankenemoo 16:7

Bituŋ ŋa sadaajanidulaa* kumakaŋo moyi ko: “Tooñaa, ite Maariyo, Alla Mansa Taalaa, i la kiitiyolu mu tiliŋo niŋ tooñaa le ti!”