Yuuba 7:1 - Mandinka Bible

¹ Fo hadamadiŋo buka dookuu koleŋo le ke duniyaa kono baŋ? A ka tara boriŋ-boriŋ kaŋ ne luŋ-wo-luŋ komeŋ tili dookuulaa.

Yuuba 7:1 Mawu Ofanana

Yuuba 10:17

I ye tu la seede kutoolu kii la n kaŋ, i la kamfaa n kamma ye lafaa kotenke, i ye naa bataa kuwo laa n ye ñoo kaŋ, komeŋ kelediŋolu ka ñoo faliŋ-faliŋ ñaameŋ.

Yuuba 14:1

Hadamadiŋo meŋ, a ka wuluu ka bo musoo le kono, a baluu tili maŋ siyaa, a bee be faariŋ nambaroo la.

Yuuba 5:7

Bari hadamadiŋo wuluuta le bataa kuwo kono, komeŋ dimbaa feremetoo ka tii santo ñaameŋ.

Yuuba 7:2

A la kuwo ka muluŋ ne ko joŋo meŋ be dahaa ñinoo la, komeŋ tili dookuulaa, meŋ be joobatoo la.

Jabuuroolu 39:4

“Hee Yaawe*, n labaŋo yitandi n na, aniŋ m baluu tiloolu yaatewo. A yitandi n na n na baluwo loo be sutiyaariŋ ñaameŋ.

Kawandilaa 8:8

Hadamadiŋ maŋ semboo soto ka foñoo mara, waraŋ ka semboo soto a la saayaa luŋo la. Keloo waatoo la, kelediŋ buka foñondi. Kuruŋyaa kuwo buka moo kuruŋo maakoyi noo.

Yesaya 16:14

Bari saayiŋ, Yaawe ko, “M be luŋolu konti la le, ko lebereesoo ka a la luŋolu konti ñaameŋ. Sanji saba bandulaa, Mowabi jikiraŋ semboo be baŋ na le. Hani ì siyaata ñaa-wo-ñaa, domandiŋ ne be tu la ì kono, domandiŋ doroŋ, aduŋ wolu be lamfu la le.”

Yesaya 21:16

Maariyo ko n ye le ko: “M be luŋolu konti la le, ko lebereesoo ka a la luŋolu konti ñaameŋ. Sanji kiliŋ bandulaa, Kedari la jikiraŋ semboo bee be daŋ na le.

Yesaya 38:5

“Taa i ye a fo Hesekiya ye, nte Yaawe, a bonsuŋ Dawuda la Alla ko, ŋa a la duwaa moyi le, aduŋ ŋa a ñaajiyo je le. Saayiŋ, m be sanji taŋ niŋ luulu le lafaa la a siyo kaŋ.

Yesaya 40:2

Ali diyaamu kuu Yerusalaamunkoolu ye ka a fo ì ye ko, ì la dookuu koleŋo banta le. N yamfata ì la junube kuwo la le. Ì ye ì la junuboo jooroo soto a ñaama le famfaŋ, ka bo nte Yaawe* bulu.”

3 Musa 25:50

Ate joŋo ñiŋ, a niŋ meŋ ye ate saŋ, si a diyaamu ñoo kaŋ. Ì si saŋolu konti ka bo waatoo meŋ na, a ye a faŋ waafi a ma, ka taa fo Seyindiri Saŋ koteŋo meŋ ka naa. A be daa meŋ joo la, wo ñanta kaañaŋ na samaa maneelaa la joo hapoo le fee.

5 Musa 15:18

Ali kana a muta kuu koleŋo ti, niŋ ali ye ali la joŋo firiŋ. A ye dookuwo ke ali ye le fo sanji wooro, aduŋ a la tili dookuwo niŋ tili dookuulaa fula la dookuwo si kaañaŋ ne. Bituŋ Yaawe ali la Alla si baraka ke ali la dookuwo bee to.