Yuuba 5:2 - Mandinka Bible

² Kamfaa ka toolewo kasaara le, kiiliyaa ka hakilintaŋo faa.

Yuuba 5:2 Mawu Ofanana

1 Musa 30:1

Kabiriŋ Raheli ye a je ko, a maŋ diŋ soto Yaakuba la, a ye kiiliyaa tiliŋ a kotoomaa la. Bituŋ a ko Yaakuba ye ko, “Diŋo dii m fanaa la, waraŋ ŋa faa.”

1 Musa 38:9

Bari Onani ye a loŋ ne ko, a be diŋolu mennu wuluu la a ñiŋ kotookewo la musoo la, ì te wolu muta la komeŋ ate le diŋo mu ì ti. Wo kamma la, niŋ a niŋ musoo ñiŋ kafuta, niŋ maniyoo be naa, a si a boŋ duuma. Ñiŋ kamma la a kana diŋ soto a kotookewo ye.

Yuuba 18:4

Ite meŋ ye i faŋ toorandi i la kamfaa waatoo kono. Fo i la kuwo, wo le be a tinna la duniyaa be baŋ na, waraŋ bere konkoo ye wutu ka bo a noo to?

Jabuuroolu 107:17

Doolu tooleeyaata ì la balambaatooyaa kaŋ ne, aduŋ ì la kuu jawoolu kamma la, mantoora baa laata ì kaŋ.

Jabuuroolu 14:1

Toolewolu ka a fo ì faŋ ma le ko, “Alla te keriŋ.” Ì mu moo tilimbaloolu le ti, aduŋ ì ka kuu ñewundiŋolu le baara. Moo te jee meŋ ka kuu kendoo ke.

Jabuuroolu 75:4

M be a fo la kibirilaalu ye ko, ‘Ali kana kibiri,’ aniŋ moo kuruŋolu ye ko, ‘Ali kana ali semboo yitandi.

Jabuuroolu 92:6

Toolewo te loŋ ke la, aduŋ hakilintaŋo te fahaamuru ke la ko:

Kuma Kotoomaalu 12:16

Toolewo ka a la kamfaa yitandi juuna le, bari hakilimaa ka a ñaa kaasi nendiroo la le.

Kuma Kotoomaalu 19:16

Moo meŋ bulata yaamaroo nooma, a be baluu la le, bari moo meŋ buka a hakilitu a taañaalu to, wo be faa la le.

Kuma Kotoomaalu 19:19

Fitinamoo ka fitinoo nafaa je le, niŋ i ye a tankandi, i be tu la a ke la le.

Kuma Kotoomaalu 27:3

Beroo kuliyaata, bankoo mu dunoo ti, bari niŋ toolewo ye i ñaawali, wo le kuliyaata ñiŋ fuloo ti.

Kuma Kotoomaalu 8:5

Moo sooneeyaariŋ baalu, ali ali kekuwo loŋ, toolewolu fanaa ye feere ke ka kalamutaroo soto.

Kawandilaa 7:9

I jusoo kana sutiyaa, kamfaa daakaadulaa ka tara toolewolu le jusoo to.

Hoseya 7:11

“Efurayimu be le ko puraa, a neenewo feeyaata, hakili te a la, a be Misira le kili kaŋ deemaaroo la, saayiŋ a fele, a yelemata Asiriya.

Yunusa 4:9

Bari Alla ko a ye ko, “I ye muŋ daliila le soto ka kamfaa ñiŋ fiifeŋo la kuwo la?” Yunusa ko a ye ko, “N kamfaabaata le, n lafita le faŋ ka faa.”

Roomankoolu 2:8

Bari Alla la kamfaa baa niŋ jusuboo be moolu le ye, mennu ka niidiyaa nooma, aniŋ ì balanta tooñaa ma ka kuu jawoolu nooma.

2 Timoti 3:6

Ì doolu ka feeretoo duŋ wandi buŋolu kono le ka musu lamfuriŋolu filindi niŋ ì la kumoolu la. Wo musoolu la junuboolu dunoo be laariŋ ì faŋolu le kaŋ, ì la hame kuwo le ka ì mara.