Yuuba 42:6 - Mandinka Bible

⁶ Wo kamma la, m maluta baake m fokumoo la le. M be m boyi la buutoo kono le, aniŋ seebuutoo ka tuubiseyi.”

Yuuba 42:6 Mawu Ofanana

1 Musa 18:27

Iburayima ye Maariyo jaabi a ko a ye ko, “M fele jaŋ, n dankeneyaariŋo ka tenteŋ diyaamu la i ye. Nte mu bankumunku kenseŋo doroŋ ne ti.

1 Mansoolu 21:27

Kabiriŋ Ahabu ye ñiŋ kumoolu moyi, duŋ feŋolu mennu be dundiŋ a la, a ye ì fara, aduŋ a ye booto funtoolu duŋ ka suŋ. A niŋ booto funtoolu le ka i laa. A ka tara taa kaŋ a niikuyaatoo.

Esira 9:6

N kumata ko: “M Maarii Alla, m maluta le fo a tambita, ka n ñaa tiliŋ i la. Ǹ na junuboolu niŋ ǹ na boyoo la waroo tambita ǹ kunna le. Ì futata saŋ fatoolu ma le.

Yuuba 2:8

Yuuba ye fenkeŋ teleŋo taa, a siita seebuutoo kono, ka a faŋ suusaa.

Yuuba 30:19

A ye m fayi potoo kono, m maŋ fisiyaa feŋ ti kotenke, ko bankumunku kenseŋo aniŋ seebuutoo.

Yuuba 42:5

N ka i la kuwo doroŋ ne moyi, bari saayiŋ n ñaa faŋo le ye i je.

Yuuba 42:7

Kabiriŋ Yaawe diyaamuta Yuuba ye, a naata a fo Elifasi Temaninkoo fanaa ye ko, “N kamfaata i kamma le, i niŋ i teeri fuloo, kaatu ali maŋ kuma fo m ma, meŋ mu tooñaa ti, ko n na dookuulaa Yuuba ye a ke ñaameŋ.

Yuuba 9:31

a si n ñori noo kono, hani n na duŋ feŋolu faŋo si ñewuŋ n na.

Jabuuroolu 51:17

Ite Alla lafita sadaa meŋ na, wo le mu fammajiyo ti ka bo sondomoo kono. Fammajiyo niŋ tuubi tooñaa be sondomoo meŋ kono, i te balaŋ na wo to.

Yesaya 5:5

Saayiŋ, m be a fo la ali ye le, m be meŋ ke la n na kankaŋo la. M be a la sansaŋo bondi la a bala le, a ye kasaara. M be a la bere sansaŋolu bondi la a bala le, ì ye doriŋ-doriŋ a kono.

Yesaya 58:5

Fo n lafita ñiŋ suŋ siifaa le la, fammajiyo doroŋ? Fo n lafita ñiŋ ne la baŋ, moo ye a kuŋo jirandi ko ñaamoo, aniŋ ka tara laariŋ booto funtoo kaŋ seebuutoo kono? Fo ali ka wo kumandi suŋo le la, nte Yaawe be soŋ na meŋ na?

Yeremiya 31:19

Biriŋ n jenketa, n tuubiseyita n na jenkoo la le, aniŋ biriŋ ŋa m faŋ kalamuta, niikuyaa ye a tinna le fo n ka n sisoo lipa. M maluta, m bulata dooyaaroo kono. Kaatu n na fondinkeeyaa malu kuwolu le tarata laariŋ n kaŋ.’ ”

Esekiyeli 16:63

Niŋ ŋa i la junube kuwolu bee kafari i ye, i hakiloo be bula la i kekuwolu la le, i ye malu, aduŋ i te i daa yele la ka feŋ fo kotenke, feŋ te fo maloo.” Maarii Yaawe le ye a fo.

Esekiyeli 20:43

“Wo to le ali hakiloolu be bula la ali la daajika jawoolu la aniŋ ali la kebaaroolu bee, ali ye mennu ke, ka ali faŋ kosondi. Aduŋ ali si naa nimisa ali la wo kuu jawoolu bee la.

Esekiyeli 36:31

Wo to le ali hakiloo be bula la ali la junuboolu niŋ kuu jawoolu bee la ali ye mennu ke. Ali si naa nimisa ka ali faŋo koŋ, wo kuu jawoolu niŋ kuu haraamuriŋolu bee la ali ye mennu ke.

Esekiyeli 6:9

Aduŋ wo moolu mennu kanata keloo to, ì hakiloo be bula la n na, wo bantala bankoolu kaŋ ne, ì ye ì samba mutoo kono daamennu to. Ì hakiloo be bula la, ì ye niitooroo meŋ laa n kaŋ ì la m fulaŋ kafuñooyaa la ka bula jalaŋolu nooma aniŋ ka hame jalaŋolu la kuwo la. Labaŋo la ì be ì faŋ koŋ na, ì kekuwolu niŋ ì la kuu haraamuriŋ kewolu la le.

Daniyeli 9:3

Bituŋ ŋa n ñaa tiliŋ duwaa la, aniŋ suŋo, ka Maariyo Alla daani. Ŋa booto funtoolu le duŋ, ŋa seebuutoo maa m faŋ na, ka n na niikuyaa yitandi.

3 Musa 13:12

Bari niŋ kuuraŋo fintita baloo kono ka janjaŋ fatewo bala, biriŋ duuma fo santo, piriisoo la jeroo daŋo to,

Matiyu 11:21

A ko, “Kooroo be alitolu Korasininkoolu ye! Kooroo be alitolu Betisayidankoolu ye! Kaatu kaawakuwolu mennu keta nuŋ ali la saatewolu kono, niŋ a ye a tara, wolu keta Tire niŋ Sidoni saatewolu le kono, tennuŋ ì banta booto funtoolu duŋ, ì ye seebuutoo maa, ka ì la tuuboo yitandi.

Luka 10:13

“Kooroo be alitolu Korasininkoolu ye! Kooroo be alitolu Betisayidankoolu ye! Kaatu kaawakuwolu mennu keta nuŋ ali la saatewolu kono, niŋ a ye a tara, wolu keta Tire niŋ Sidoni saatewolu le kono, tennuŋ ì siita, ì ye booto funtoolu duŋ, ì ye seebuutoo maa, ka ì la tuuboo yitandi.

Yosuwa 7:6

Bituŋ Yosuwa ye a buloo duŋ a la waramboo la ka a fara. A sujudita Yaawe la Kambeŋ Kunewo* ñaatiliŋo la. A tarata jee fo wulaaroo. Bituŋ Banisirayila alifaalu fanaa naata wo kuu kiliŋo le ke ka bankoo sari ì kuŋo to.