Yuuba 42:3 - Mandinka Bible

³ I ye n ñininkaa n haañita ñaameŋ ka i la natoo ñininkaa, nte meŋ maŋ londi soto. Ŋa kumoolu le fo, m maŋ mennu fahaamu, kaawakuwolu mennu tambita n na londoo la.

Yuuba 42:3 Mawu Ofanana

Yuuba 11:7

I si Alla la kuu diinondiŋolu fintindi noo baŋ? I si Alla Tallaa la mansabaayaa waroo daŋo loŋ noo baŋ?

Yuuba 11:9

Alla la waroo le tambita duniyaa la, ate le fanuta baajiyo ti.

Yuuba 13:1

Ŋa meŋ bee fo teŋ, m faŋo le ye a je n ñaa la. Ŋa a moyi n tuloo la, aduŋ ŋa a fahaamu le.

Yuuba 38:2

Ite ye i faŋ miira jumaa le ti, i be diyaamu la, londi te i bulu, ka sika n na feere landiriŋolu la?

Yuuba 5:9

Ate le mu kaawakuu baalu kelaa ti, mennu buka tara loŋo daa to, aniŋ jaakali kuwolu mennu buka yaatee noo.

Jabuuroolu 131:1

Yaawe*, faŋ wara te n sondomoo kono, aduŋ m maŋ ke kufaŋ moo ti. M buka m faŋ bula kuu baa kewo la, waraŋ kuwolu mennu kaawakuuyaata m fee.

Jabuuroolu 139:6

I ye loŋo meŋ ke n na, a kaawakuuyaata m fee le, a tambita n kunna le, n na fahaamuroo maŋ futa a ma.

Jabuuroolu 40:5

Kooni Yaawe, n na Alla, i ye kaawakuu jamaa le ke. I ye kuu baa jamaa le parendi ntolu ye. Tembeñoo te tara noo la ite la. Niŋ ŋa a kata ka ì bee fo, ì yaatewo tambita kontiroo la le.