Yuuba 41:11 - Mandinka Bible

¹¹ Jumaa le la juloo be nte la ka a joo? Feŋ-wo-feŋ be saŋo muumewo koto, a bee mu nte Alla le taa ti.

Yuuba 41:11 Mawu Ofanana

Yuuba 26:6

Laakira be lankenemayaariŋ Alla ñaa koto le, kumpa te a ye laakira la kuwo to.

Yuuba 28:24

Kaatu ate le ka jeroo ke ka futa duniyaa daŋo ma, a ka jeroo ke feŋ-wo-feŋ na, saŋo niŋ bankoo teema.

Yuuba 34:33

Bayiri ite Yuuba maŋ soŋ Alla la keroo la, i ye a miira, Alla be a ke la wo moo la le baŋ, ko ite lafita a la ñaameŋ? Ite le ñanta kuwo juubee la i faŋ fee, nte te. I ye meŋ loŋ, wo fo.

Yuuba 35:7

Niŋ i mu moo tilindiŋo ti, fo i ye feŋ ne dii Alla la baŋ? A ka muŋ feŋ ne soto i bulu?

Yuuba 41:12

M batu ŋa Lefiyatani siŋo keñaa fo i ye, aniŋ a la sembe waroo, aniŋ a balajaatoo daakuuta ñaameŋ.

Yuuba 9:5

Ate le si a noo, a ye konkoolu ñorindi, a maŋ sara dii. Aduŋ niŋ a kamfaata, a si a noo, a ye ì katiŋ-katiŋ ñoo kono.

Jabuuroolu 115:16

Yaawe le taa mu Arijana ti, aduŋ bankoo, a ye wo karafa hadamadiŋolu le ma.

Jabuuroolu 21:3

I ye neemafeŋ kendoolu le naati a kaŋ. Ite le ye saniforo naafoo ke a kuŋo to ka a toloo.

Jabuuroolu 24:1

Bankoo mu Yaawe* taa le ti, aniŋ feŋ-wo-feŋ be a kaŋ. Duniyaa bee mu a taa le ti, aniŋ moolu mennu bee be a kono.

Jabuuroolu 50:12

Niŋ konkoo le ye m muta, n te alitolu kaniŋ na, kaatu duniyaa niŋ a konofeŋo bee mu nte le taa ti.

2 Musa 19:5

Niŋ ali ye n horoma a ñaama, ka n na kambeŋo muta, ali be ke la m fansuŋ moolu le ti, m be mennu tomboŋ na ka bo bankoolu bee kono. Hani duniyaa bee keta n taa ti ñaa-wo-ñaa,

Roomankoolu 11:35

“Jumaa le nene ye feŋ dii Alla la, a ñanta meŋ na juloo joo la.”

1 Korintinkoolu 10:26

Kaatu “Bankoo mu Maariyo taa le ti, aniŋ feŋ-wo-feŋ be a kaŋ.”

1 Korintinkoolu 10:28

Bari niŋ moo doo ko ali ye ko, “Ñiŋ diita jalaŋo le la,” ali kana a domo wo moo la kuwo kamma la, meŋ ye a fo ali ye. Ali kana a domo sondomoo la kuwo kamma la.

5 Musa 10:14

Ali la Alla le taa mu duniyaa niŋ a konokono feŋolu bee ti, fo ka taa saŋ fatoolu to.

Yosuwa 3:11

Ali a juubee, duniyaa bee Maariyo la Kambeŋ Kunewo be taa ali ñaato le Yoridani Boloŋo kono.