Yuuba 4:9 - Mandinka Bible

⁹ Alla ye a niijii ì kaŋ, ì faata, a la kamfaa ye ì fee jana komeŋ saafoñotoo.

Yuuba 4:9 Mawu Ofanana

2 Mansoolu 19:7

I lamoyi, Yaawe be silaŋo le dundi la a la. Niŋ wo keta, a be kibaaroo le moyi la, aduŋ a be muru la a fansuŋ bankoo kaŋ ne. Wo to le ate Yaawe be a tinna la ì ye a faa niŋ hawusaroo* la.”

Yuuba 1:19

Kataba kiliŋ, foño baa naata ka bo keñewuloo* kono, a ye buŋo tonkoŋ naanoo bee taki. Bituŋ a boyita dindiŋolu kaŋ, ì faata. Nte doroŋ ne kanata ka naa a fo i ye.”

Yuuba 15:30

Aduŋ a te kana noo la saayaa ma. A la kuwo be muluŋ na le komeŋ yiroo, dimbaa ye meŋ buloolu buruburu, foñoo ye a firoolu bee konkoŋ a bala.

Yuuba 40:11

Faŋ wara moolu juubee, i la kamfaa fijoo ye jii ì kaŋ, i ye ì la kuwo jindi.

Yuuba 40:13

Ì bee baadee ñoo la bankoo kono, i ye ì maabo laakira.

Jabuuroolu 18:15

Fankaasoo duuma, wulumbaŋolu fintita jee, kabiriŋ ite Yaawe ye i jawoolu tindi niŋ i la niijii foñoo la. Duniyaa fondamaŋolu kenseŋyaata, i la dandalaaroo waatoo la.

2 Musa 15:10

Bari Yaawe, i la niijii kiliŋo meŋ bota i bala, wo le ye Misirankoolu bee tundi baa kono. Ì tunenta le komeŋ beroo, baa diinoŋo kono.

2 Musa 15:8

I la niijiyo semboo ye baajiyo moolondi santo, a loota komeŋ sansaŋo, jiyolu mennu be baa dulaa diinondiŋ baa to, naata bambaŋ.

Yesaya 11:4

A be fentaŋolu la kiitiyo kuntu la tiliŋo le kono, a ye bankoo fuwaaroolu la kuwo kiitii niŋ tooñaa siloo la. A la kumoo be banku moolu kuluu la le, a la yaamaroo ye suŋ moo kuruŋolu la saayaa la.

Yesaya 30:33

Tooñaa, ì meeta Tofeti parendi kaŋ ne, ì ye a parendi mansa le kamma. A dinkoo bee mu dimbaa le ti, ì ye a fanundi ka a dinkandi. Loo niŋ dimbaa be fuumariŋ a kono. Yaawe la niijii foñoo meŋ malariŋo ka woyi naŋ, a be a hilihilindi la le.

Yesaya 40:7

Ñaamoo ka noro le, a firoolu ye joloŋ, kaatu Yaawe la niijii foñoo le ka futa ì ma. Tooñaa-tooñaa, hadamadiŋolu mu ñaamoo le ti!

2 Tesalonikankoolu 2:8

Wo koolaa le, wo Luwaantaŋo be finti la moolu kaŋ, aduŋ m̀ Maarii Yeesu be a faa la niŋ a daa foñoo le la, a be a kasaara la a la naa semboo niŋ waroo le la.

Lankenemoo 2:16

Wo kamma la, tuubi, i ye i koo dii i la junuboolu la! Niŋ wo nte, a te mee la, m be naa la i kaŋ, ka keloo boyi wo moolu kaŋ niŋ hawusari daa fuloo la, meŋ be n daa kono.