Yuuba 4:6 - Mandinka Bible

⁶ Fo i la Alla ñaasilaŋo maŋ dankeneyaa dii i la baŋ? I maañaa maŋ sootaari soto, fo wo maŋ ke i ye jikoo ti baŋ?

Yuuba 4:6 Mawu Ofanana

2 Mansoolu 20:3

“M Maarii Yaawe, ŋa i daani i si ñiŋ juubee ko, n taamata i ñaa koto tiliŋo le la, aniŋ sondome seneyaa, aduŋ m baarata kuwolu le la mennu beteyaata i fee.” Bituŋ a kumboota kendeke.

Yuuba 1:1

Kewo doo le nene ka soto Usi bankoo kaŋ, meŋ too mu Yuuba ti. Sootaari te a la kuwo to, aduŋ a tilinta. A silata Alla la, a ye a koo dii kuu jawu kewo la.

Yuuba 13:15

Jiki te n na kuwo to, a be m faa la le, bari fo ŋa n na kuwo laa a ñaa koto.

Yuuba 16:17

M maŋ fitina kuu-wo-kuu le ke, aduŋ n na Alla batoo seneyaata le.

Yuuba 17:15

Nte la jikoo be tara la muŋ ne kaŋ? Jumaa le ye jiki koteŋ je nte la karoo la?

Jabuuroolu 26:1

Hee Yaawe*, kiitiyo teyi n ye, kaatu m be baluuriŋ sootaaribaliyaa le kono, aduŋ n dankeneyaata i la le famfaŋ.

Jabuuroolu 27:3

Hani niŋ kelediŋ kafoo le ye n kuru, n kija te m fara la. Hani niŋ keloo le wulita n kamma, wo ñaa-wo-ñaa m be dankeneyaa la le.

Kuma Kotoomaalu 14:26

Moo meŋ silata Yaawe la, wo ye tankaraŋ tatoo le soto, aduŋ a be ke la a diŋolu ye tankaraŋo le ti.

Kuma Kotoomaalu 3:26

Kaatu Yaawe le be ke la i jikoo ti, aduŋ a te soŋ na kutindiŋo ye i siŋo muta.

Yesaya 33:6

Ate le be ke la ali la waatoo fondamaŋ bambandiŋo ti, kiisoo, ñaameŋo aniŋ londoo diilaa. Yaawe ñaasilaŋo, wo le mu ali la naafuloo ti.

1 Pita 1:13

Wo to, ali ali hakiloo tu, ali ye ali faŋ mara, aduŋ ali si ali jikoo bee loo hiinoo kaŋ, meŋ be dii la ali la, Yeesu Kiristu be muru la naŋ waatoo meŋ na.

1 Pita 1:17

Ali ka ate le kumandi ali Faamaa la, meŋ ka moolu bee kiitindi ì la kebaaroolu la, faasaaroo te daameŋ. Wo to, ali baluu a ñaasilaŋo kono waatoo meŋ na, ali mu tumarankewolu ti ñiŋ duniyaa kono.