Yuuba 4:3 - Mandinka Bible

³ A juubee, i ye yaamaroo dii jamaa le la, i ye moo bataariŋolu maakoyi.

Yuuba 4:3 Mawu Ofanana

1 Musa 18:19

Nte Yaawe le ye a tomboŋ, fo a si a diŋolu niŋ a koomalankoolu yaamari, ka tara n na siloo kaŋ, aniŋ ka tiliŋo niŋ tooñaa taamandi. Niŋ ì ye a ke, ŋa a laahidi meŋ na, m be a bee le ke la.”

Esira 6:22

Bituŋ ì ye Mbuuru Leweñintaŋo Juuraloo* ke niŋ seewoo la fo tili woorowula, kaatu Yaawe ye ì seewondi le, tumoo meŋ a ye Asiriya mansakewo hakiloo faliŋ ì la kuwo to. Wo ye a tinna le Asiriya mansakewo ye ì maakoyi Alla Batudulaa Buŋo loo la, Banisirayila la Alla.

Yuuba 16:5

N daakumoo si ali wakiilindi noo le, n neŋo kumoo la diyaa ye dimoo bo ali kaŋ.

Yuuba 29:11

Moo-wo-moo ye n na kuwo moyi wo waatoo la, a ka n kumandi neema moo le la. Moo-wo-moo ñaa boyita n kaŋ, a ka kuma kendoo le fo m ma.

Yuuba 29:15

Nte le keta finkintewolu ñaa ti, n keta lanjuurutoolu siŋolu ti.

Yuuba 29:16

Nte le keta fentaŋolu faa ti, n keta tooñaa londilaa ti tumarankewolu ye.

Yuuba 29:21

Niŋ m be yaamaroo dii kaŋ, moolu ka tara deyiriŋ ne, ì ye tara i lamoyi kaŋ m fokumoo la.

Yuuba 4:4

Niŋ moo lafita jenke la, i la kumakaŋolu le ka a tilindi. Niŋ moo maŋ loo noo ka bambaŋ, ite le ka a bambandi.

Kuma Kotoomaalu 10:21

Moo tilindiŋo la kumoo ka moo jamaa le nafaa, bari hakilintaŋyaa le ka toolewolu faa.

Kuma Kotoomaalu 15:7

Moo ñaamendiŋo la kumoo le ka londoo janjandi, bari toolewo buka wo ke.

Kuma Kotoomaalu 16:21

Moo ñaamendiŋo le ka kuwolu bo noo ñoo to, aduŋ kuma diimaa ka yaamaroo bambandi le.

Yesaya 35:3

Ali ali bulu lamfuriŋolu bambandi, aniŋ ali kumbaliŋ koririŋolu.

Yesaya 50:4

Maarii Yaawe le ye n karandi m fokumoo la, fo n si moo bataariŋolu bambandi. Soomandaa-wo-soomandaa a ka n hamendi le, ka n lamoyi a be n karandi la meŋ na.

Esekiyeli 13:22

Ali ka moo tilindiŋolu jikilateyindi niŋ ali la faniyaa la, bari n nene te ì jikilateyindi la. Ali ka naa moo kuruŋolu wakiilindi kuu kuruŋ kewo la, ka ì koo dindi tuubiseyoo la fo ì kana kiisa noo.

Sefaniya 3:16

Wo luŋo la a si fo Yerusalaamunkoolu ye ko, “Ali kana sila, alitolu Siyoninkoolu, ali kana jikilateyi.

Luka 22:32

Bari n duwaata ite ye le, fo i la lannoo kana bo. Niŋ i muruta naŋ n kaŋ, i si i baadiŋolu* wakiilindi.”

Luka 22:43

Malaayikoo fintita naŋ a kaŋ ka bo Arijana, a ye a wakiilindi.

Efesusinkoolu 4:29

Kuma jawoo kana bo ali daa kono. Wo noo to, ali la kumoolu si beteyaa ka moolu yiriwandi, ka ì maakoyi ì la suuloolu kono, aniŋ ka ì seewondi.

5 Musa 3:28

Yosuwa yaamari, i ye a bambandi, i ye a fatiyandi. Kaatu ate le be Banisirayila ñaatonkayaa la ka Yoridani Boloŋo teyi. Ate le be a tinna la ì ye bankoo taa, i ka meŋ je teŋ.”

Kolosankoolu 4:6

Ali la diyaamoo si tu sooneeyaariŋ. Kuma betoolu si a diyandi ko koo ka domoroo diyandi ñaameŋ. Aduŋ ali si a loŋ, ali ñanta moo-wo-moo jaabi la ñaameŋ.

Hiburunkoolu 12:12

Wo kamma la, ali ali bulu lamfuriŋolu bambandi, aniŋ ali kumbaliŋolu mennu maŋ semboo soto.