Yuuba 4:11 - Mandinka Bible

¹¹ Ì keta ko jatoo, meŋ maŋ feŋ soto, a be meŋ faa la ka a domo. Ì faata, ì diŋolu bee janjanta.

Yuuba 4:11 Mawu Ofanana

1 Musa 49:9

Yahuuda, n dinkewo, ite ka muluŋ ne ko jatadiŋo, meŋ ka i baluu suboo la ka ke sembemaa ti. I ka i saba le, i ye i tiliŋ ko jatoo, ko jatamusoo, jumaa le be haañi la ka i maa?

Yuuba 1:19

Kataba kiliŋ, foño baa naata ka bo keñewuloo* kono, a ye buŋo tonkoŋ naanoo bee taki. Bituŋ a boyita dindiŋolu kaŋ, ì faata. Nte doroŋ ne kanata ka naa a fo i ye.”

Yuuba 20:10

Ì faŋo buloo le be ì la fankoo seyindi la, aduŋ ì diŋolu si sadaa daani fuwaaroolu nooma.

Yuuba 29:17

Nte le ye moo jawoolu ŋaaŋaa kuloolu kati, ŋa feŋolu tanka, ì ñiŋolu be sorondiŋ mennu fee.

Yuuba 38:39

Fo i si deemoo ke noo jatamusoo ye baŋ, ka domoroo dii jata diŋolu la ka ì konoo fandi,

Yuuba 5:15

Bari ate Alla, fuwaaroolu, a ka wolu tanka moo jawoolu neŋ jawoo ma le. Ate le ka moolu tanka, mennu be suuloo kono ka bo sembemaalu bulu.

Yuuba 5:4

Ì diŋolu niŋ tankoo jamfata ñoo la. Ì ye ì kiitindi tilimbaliyaa kono, moo maŋ soto, meŋ si ì kiisa a kono.

Jabuuroolu 34:10

Hani jatoolu ka foo le, aduŋ ì ka konko, bari moolu mennu jikita Yaawe la, feŋ kende buka ì dasa.

Jabuuroolu 34:11

N diŋ kusaŋolu, ali naa, ali ye i lamoyi n na, ŋa ali karandi Yaawe ñaasilaŋo la.

Jabuuroolu 7:2

Niŋ wo nte, ì jatamaalu si m faraŋ-faraŋ taariŋ, ì ye n janjaŋ, moo te n tankandi noo la.

Yeremiya 4:7

Jatoo le wulita ka bo a la ñunkoo kono, banku tiñaalaa baa le wulita naŋ, a wulita ka bo naŋ a yaa, ka ali la bankoo kenseŋyandi. Ali la saatewolu be ke la tumbuŋolu le ti, moo te tu la sabatiriŋ jee.

Hoseya 11:10

Niŋ nte Yaawe bumbunta ko jatoo, n na moolu be bula la n nooma le. Niŋ m bumbunta, n diŋolu kijafaratoo si naa, ka bo tilijii karoo la.

4 Musa 23:24

Banisirayilankoolu wulita le ko jatamusoo, ì wulita le ko jatoo, meŋ buka i dahaa fo a ye a la deema suboo domo, a ye a la faari suboo yeloo miŋ.”

4 Musa 24:9

Ali ka ñenteroo ke le, ali ye i laa ko jatoo, ali be ko le jatamusoo, jumaa le si haañi ka ali wulindi? “Allamaa Alla neema la moolu ma, mennu neemata ali ma, mennu ye ali danka, ye ke dankatoolu ti.”

2 Timoti 4:17

Bari Maariyo le loota m fee, a ye n sembentuŋyandi ka a la kibaaroo kawandi timmarinke fo moolu bee si a moyi, mennu maŋ ke Yahuudoolu ti. Aduŋ a ye n kanandi jatoo daa ma le.