Yuuba 32:6 - Mandinka Bible

⁶ Bituŋ a naata a la diyaamoo dati, a ko: Nte le mu ali bee kono dindiŋo ti, alitolu le mu keebaa ti. Wo le ye a tinna n silata, m maŋ haañi ka n hakiloo fayi ali kaŋ.

Yuuba 32:6 Mawu Ofanana

Yuuba 12:12

Ì ko, ñaameŋo be keebaayaa le bulu, fahaamuroo be sii jaŋayaa bulu.

Yuuba 15:10

Keebaa kuntiña koyoolu, mennu siyaata i faa ti, wolu le ye ntolu karandi ñaameŋo la.

Yuuba 15:7

Fo ite le mu hadamadiŋ foloo ti baŋ, meŋ wuluuta? Fo ite le foloo fintita konkoolu ñaa baŋ?

Yuuba 32:2

Bituŋ Elihu, Barakeli Businkoo dinkewo, meŋ bota Ramu la dimbaayaa moolu kono, naata kamfaa. A kamfaata Yuuba kamma baake, kaatu a ye a je le ko, a ye a faŋo la kuwo le tooñaayandi ka tambi Alla la.

Yuuba 32:5

Kabiriŋ Elihu ye a je ko ñiŋ kee saboo maŋ feŋ soto ì daa kotenke ì be meŋ fo la, a jusoo bota.

Yuuba 34:1

Bituŋ Elihu tententa diyaamoo la, a ko:

Yuuba 35:1

Elihu tententa diyaamoo la, a ko Yuuba ye ko:

Yuuba 36:1

Elihu tententa diyaamoo la, a ko:

3 Musa 19:32

Ali si kali wuli, ka buuñaa yitandi tiikoyoolu la, aniŋ ka keebaa kotoolu horoma. Ali si sila ali la Alla la. Nte le mu Yaawe ti.

Roomankoolu 13:7

Ali jooroo ke moo-wo-moo la ko a ñanta ñaameŋ. Niŋ naamu kaninnaa le mu, a joo a yaa, niŋ duwaañoo le mu, a joo. Moo buuñaa, meŋ ñanta buuñaa la, aniŋ i si moo horoma, meŋ ñanta horoma la.

1 Timoti 5:1

Kana keebaa dooyaa, bari i si a yaamari ko i faamaa. Fondinkewolu yaamari ko i baadiŋolu*,

Titus 2:6

Wo ñaa kiliŋo la, i si fondinkewolu yaamari ka ì faŋolu muta kuu.

1 Pita 5:5

Wo ñaa kiliŋo la, alitolu fondinkewolu, ali soŋ alifaalu ma. Ali ye i fammajii ñoo ye. Ali bee si wo fammajiyo duŋ ali la feetoofatoo ti, kaatu “Alla ka balaŋ faŋ wara moolu ma le, bari moolu mennu ye i fammajii, a ka hiina wolu ma le.”