Yuuba 30:8 - Mandinka Bible

⁸ Ì moo kenseŋ kafoo, buuñaa te ì kaŋ. Ì ye ì buutee le, ka ì bayi bankoo kaŋ.

Yuuba 30:8 Mawu Ofanana

2 Mansoolu 8:18

A baarata kuwolu le la Banisirayila mansoolu ye mennu baara, baawo a ye Ahabu dimmusoo le futuu, aduŋ a ye kuu jawoo le ke Yaawe ñaa koto.

2 Mansoolu 8:27

Ate fanaa keta le komeŋ Ahabu la dimbaayaa moolu, aduŋ a ye kuu jawoo baara Yaawe ñaa koto le, komeŋ Ahabu la dimbaayaa moolu, baawo a ye musoo futuu Ahabu la dimbaayaa moolu le kono.

2 Taarika 22:3

Ahasiya fanaa bulata Mansa Ahabu la dimbaayaa sinnoo le nooma, a baamaa le mu nuŋ a yaamarilaa ti kuu kuruŋ kewo to.

Yuuba 30:7

Ì ka tara kuma kaŋ ne ko faloolu wuloo kono taariŋ, ka tara motomotoriŋ ŋaniŋolu kono.

Yuuba 30:9

Saayiŋ wolu le diŋolu ka n teeliŋ denkiloolu la, ka tara n ñaawali kaŋ. Nte le naata ke ì fee jelefeŋo ti.

Yuuba 40:4

“Nte maŋ jari feŋ na. Nte be i jaabi noo la muŋ ne la? N te kuma fo la kotenke.

Jabuuroolu 15:4

A ka junubentuŋolu koŋ ne, bari a ka moolu horoma le mennu ye Yaawe kuliyaa. A ka a la laahidoo muta le, a si dimiŋ a fee ñaa-wo-ñaa.

Jabuuroolu 35:15

Bari mantooroo laata nte kaŋ doroŋ, itolu bee kafuta ñoo ma, ì niŋ jusulaa. Ì kuruta n na, ka n ñaawali, boyinkannaalu, m maŋ mennu loŋ, ka n kajafi, fo a maŋ dandulaa soto.

Kuma Kotoomaalu 1:22

“Janniŋ waati jumaa le, alitolu moo sooneeyaariŋ baalu be lafi la sooneeyaa la? Janniŋ waati jumaa le, alitolu ñaawalilaalu be tu la ali la ñaawaliroo la, aniŋ alitolu toolewolu be londoo koŋ na?

Kuma Kotoomaalu 1:7

Yaawe* ñaasilaŋo le mu londoo kuŋo ti, bari toolewolu ka jutu ñaameŋo niŋ yaamaroo la le.

Kuma Kotoomaalu 16:22

Fahaamuroo mu baluwo sambaraŋo le ti moo ye, meŋ ye a soto, bari tooleeyaa ka bataa le naati toolewo kaŋ.

Yesaya 32:6

Kaatu toolewo ka tooleeyaa diyaamoo le ke, aduŋ a sondomoo ka tara feeroo le siti kaŋ, ka kuu jawoo baara. A buka tara Alla la kuu to, aduŋ a ka kuu sotobaloo le fo Yaawe* la karoo la. A ka konkotoo konkoriŋo tu jee le, a ka mindootoo bali jiyo la.

Yeremiya 7:18

Dindiŋolu le ka loo kafu ñoo ma, faalu ye dimbaa mala, bituŋ baalu ye fariñoo nooni ka a jani mbuuroo ti jalaŋo ye, ì ka meŋ kumandi Saŋo Santo Musumansoo* la. Ì ka miŋ feŋ sadaalu* boŋ batufeŋ koteŋolu ye le, ñiŋ kamma la ka n kamfandi.

Nahumu 3:6

N si i ke suntukuŋo ti, ka i malundi, moolu ye ì ñaa mala i kaŋ ka kaawa.

Matiyu 20:19

Ì be a duŋ na wolu bulu le, mennu maŋ ke Yahuudoolu ti, aduŋ wolu be a ñaawali la le, ka a karawaasi aniŋ ka a pempeŋ yiribantambiloo kaŋ, bari a be wulindi la saayaa kono le tili sabanjaŋo la.”

Maaka 6:24

Sunkutoo fintita, a ko a baamaa ye ko, “M be muŋ ne daani la?” A baamaa ko a ye ko, “Yaayaa Batiseerilaa kuŋo daani.”