Yuuba 3:5 - Mandinka Bible

⁵ Dibi baa ye a luŋo taa, minaayoolu ye a muuri, a luŋo ñiŋ na diboo ye a silaŋñaa warandi.

Yuuba 3:5 Mawu Ofanana

Yuuba 16:16

N kumboota fo n ñaasiŋolu yiibuta, fo n ñaakesoolu dunta konoto.

Yuuba 24:17

Suutoo diboo le mu itolu la soomandaa ti, suutoo diboo silaŋo, itolu dalita wo la le.

Yuuba 28:3

Sindirilaalu ka diboo le fara ka ñinindiroo ke bankoo duuma-duuma fo ì dandulaa, ka beroo ñini dibi fiŋ baa kono.

Yuuba 3:4

Wo luŋo ye ke luŋ dibiriŋo ti. Allamaa Alla kana a luŋo hati, aduŋ Allamaa Alla kana maloo sotondi a luŋo la.

Yuuba 3:6

Dibi baa si a luŋo suutoo taa, a kana yaatee saŋo tiloolu kono. A luŋo kana tara karoolu tili yaatewo kono.

Yuuba 34:22

Wo dibi te keriŋ, meŋ si junubelaa maabo noo Alla ma.

Yuuba 38:17

I nene ka laakira dundaŋ daa je le baŋ, daameŋ ka tara dibiriŋ ne fo fawu?

Jabuuroolu 107:10

Doolu tarata baluuriŋ dibi fiŋ baa niŋ niitoora koleŋo le kono, ì tarata sitiriŋ tooroo kono joloolu daa.

Jabuuroolu 107:14

A ye ì bondi dibi fiŋ baa niŋ niitooroo kono, a ye ì la joŋyaa joloolu kuntu ì la.

Jabuuroolu 23:4

Hani niŋ m be taama kaŋ wulumbaŋ dibiŋ baa kono, n te sila la kuu jawu la, kaatu i be m fee le. I la kantarilaŋ pudoŋo niŋ i la taamaraŋ dokoo, wolu le ka n jusulandi.

Jabuuroolu 44:19

hani wo i ye ǹ korindi le ka m̀ fili kunkuwuloolu kono, aduŋ i ye m̀ bula dibi baa kono.

Yesaya 9:2

Moolu mennu taamata diboo kono, ì ye mala baa je le. Mennu tarata dibi fiŋ diboo kono, maloo malata ì kaŋ ne.

Yeremiya 13:16

Ali horomoo dii Yaawe ali la Alla la, janniŋ a be diboo dundi la ali ma, ali siŋolu kali taki konko dibiriŋolu kaŋ. Tuma meŋ na ali be tara la mala ñiniŋo la, a be dibi fiŋo le naati la ali ye, a ye a ke ali ye dibi baa ti.

Yeremiya 2:6

Ì maŋ ñiŋ fo ko, ‘Yaawe lee, meŋ ye m bondi naŋ Misira bankoo kaŋ, meŋ tambita ǹ ñaato keñewuloo kono, dinka jawoolu be daameŋ? Wo wula jaara jiintaŋo, jaa niŋ dibi fiŋo be daameŋ, moo buka tambi niŋ jee la, sako moo si sabati jee.’

Yeremiya 4:28

Fo duniyaa si kumboo ñiŋ na, saŋ fatoolu ye fiŋ santo, bayiri ŋa a fo le, m pareeta a la le. N te sabari la, sako ka yelema.”

Esekiyeli 30:3

Yaawe la luŋo sutiyaata naŋ ne. A luŋo siita naŋ ne, a be ke la tooroo luŋo le ti. A be ke la diboo waatoo le ti. Wo le be ke la duniyaa bankoolu la kasaaroo luŋo ti.

Esekiyeli 34:12

Ko kantarilaa ka a la saajii filiriŋolu ñini ñaameŋ, niŋ a la saajii doolu janjanta ka taa kara doo la, m be taa n na saajiyolu ñini la wo le ñaama. M be ì bondi la naŋ dulaalu bee to le ì be janjandiŋ daamennu to, kasaaroo luŋo la, minaayoo niŋ dibi feŋ baa luŋo la.

Yoweli 2:2

Luŋ dibiŋ, dibi fiŋ diboo, tawali fiŋo ye dulaa bee dibindi. Ko ñiŋ dibi fiŋo ye konkoolu muuri, kelediŋ jamaa coomanta naŋ, ì niŋ sembe baa, a siifaa ñoŋo nene maŋ soto, a ñoŋo nene te soto la.

Amosi 5:8

Alla le ye Sanjaani Benteŋ Looloolu daa, aniŋ Mfaalii Looloolu. Ate le ka suutoo diboo yelemandi soomandaa maloo ti, a ye tiloo ke suutoo ti. Ate le ka fankaasoo jiyolu kili, a ye ì woyindi duniyaa kono. Ate le too mu Yaawe ti.

Amosi 8:10

N si ali la diina juuraloolu yelemandi ali ye saŋawoosiyo ti, ŋa ali la denkiloo yelemandi kumboo ti. N si a saabu ali ye booto funtoolu duŋ, ali ye ali kuŋolu lii niikuyaa kamma la. N si ñiŋ waatoo ke waati ti ali ye, komeŋ niŋ moo be woosii la a dinkee kiliŋo la faa la. Ñiŋ luŋo bee be ke la niikuyaa le ti ali ye.”

Matiyu 4:16

Moolu mennu be siiriŋ diboo kono, ì naata mala baa je. Maloo malata moolu kaŋ ne, mennu be siiriŋ banku dibiriŋo kaŋ, saayaa niiniyo koto.”

Luka 1:79

A be mala la moolu kaŋ ne, mennu be siiriŋ diboo niŋ saayaa niiniyo koto. A be ǹ siŋolu taamandi la kayira siloo le kaŋ.”

5 Musa 4:11

Ali a fo ali diŋolu ye, ali loota Sinayi Konkoo to ñaameŋ, waatoo meŋ na konkoo be mala kaŋ fo saŋo santo, siisii fiŋ baa minaayimaa ye a muuri.

Hiburunkoolu 12:18

Ali naata konkoo meŋ to, a maŋ ke konkoo ti, moo si meŋ maa noo. A maŋ ke ko Sinayi Konkoo, dimbaa jawoo be daameŋ nuŋ, dibi fiŋ baa, aniŋ foño baa.