Yuuba 3:11 - Mandinka Bible

¹¹ Muŋ ne ye a tinna m maŋ faa n wuluu waatoo, ŋa bo wuluuñaŋo kono doroŋ, ŋa tambi?

Yuuba 3:11 Mawu Ofanana

Yuuba 3:10

Kaatu a maŋ m baamaa wuluuñaŋo daa soroŋ, ka n tankandi niitooroo ma.

Yuuba 3:12

Muŋ ne ye a tinna m baamaa ñoyita n kunna? Muŋ ne ye a tinna sunjoolu sotota n ye ka suusuu?

Jabuuroolu 58:8

Allamaa ì ye ke ko musaaliŋo ka yeluŋ namoo ti ñaameŋ, ì ye ke ko bonodiŋo meŋ ñaa nene buka tiloo je.

Jabuuroolu 71:6

N jikita ite le la ka bo n wuluu waatoo la. Ka bo tuma meŋ m be m baa wuluuñaŋo kono, i ye n hati le. M be tu la i jayi la le.

Kawandilaa 4:2

N naata m miira furewo la, meŋ faata fokabaŋ, mantaa benta wo le ye, ka tambi moo la, meŋ be baluwo to, a maŋ faa foloo.

Kawandilaa 4:3

Bari meŋ fanaa fisiyaata ñinnu bee ti, wo le mu moo ti, meŋ maŋ wuluu foloo, a maŋ kuu kuruŋ je a ñaa la, meŋ ka ke ñiŋ duniyaa tiloo koto.

Kawandilaa 6:3

Moo si diŋ keme soto noo, a ye siimaayaa. Bari a siyo si jamfa ñaa-wo-ñaa, niŋ a maŋ niiseewoo soto a la sotofeŋolu to, waraŋ a faata, a maŋ baadee, nte ko deenaani siibaloo le ye fisa a ti.

Kawandilaa 6:5

A nene maŋ baluwo nene ñiŋ duniyaa tiloo koto, bari hani wo, ate le ye dahaa soto wo fankamaa ti.

Yesaya 46:3

Yaawe* ko: “Yaakuba koomalankoolu ali i lamoyi n na, alitolu moo toomaalu mennu tuta Banisirayila, ŋa n hakilitu ali to le, biriŋ ali be konoo kono, n ka ali topatoo, biriŋ ali wuluuta.

Yeremiya 15:10

Hee, nte Yeremiya, m baa la n wuluwo keta n ye bataa le ti! N keta moo le ti, ì ka tu meŋ na kuwo ñoosaba la, aniŋ ka n kele bankoo bee kaŋ. M maŋ moo donto, moo maŋ n donto, hani wo, moo bee ka n danka.

Yeremiya 20:17

Bayiri a maŋ m faa wuluuñaŋo kono, m baa konoo ye ke n na kaburoo ti, a ye tu konomaayaa to fo abadaa.

Hoseya 9:14

Hee Yaawe, i la moolu joo ì kebaaroo la. I be muŋ ne dii la ì la? Ì konoo kali bo, ì sunjoolu ye jaa.