Yuuba 29:3 - Mandinka Bible

³ waatoo meŋ, a la neemoo tarata malariŋ n kaŋ, niŋ diboo dunta, a la maloo le ka n tambindi,

Yuuba 29:3 Mawu Ofanana

Yuuba 11:17

Aduŋ i la baluwo kono, i si naa mala ko tiloo. I la baluwo diboo be ke la le komeŋ fanikee maloo.

Yuuba 18:6

Ì la tiriliisoo* maloo keta diboo ti, ì daala lampoo faata.

Yuuba 21:17

Fo moo kuruŋolu ka kerefaa le baŋ? Fo maasiiba kuu le nene ka boyi ì kaŋ baŋ? Fo Alla nene ka a la jaraboo jindi naŋ ì kaŋ ne baŋ, a la kamfaa waatoo kono?

Yuuba 22:28

I ye meŋ hame, a be ke la i ye le, aduŋ i taaraŋ siloolu si mala.

Jabuuroolu 112:4

Hani diboo kono maloo ka ke moo kendoo ye le, moo meŋ balafaa warata, a konotoo diyaata, aduŋ a tilinta.

Jabuuroolu 18:28

Hee Yaawe, ite le mu n na lampoo ti. Yaawe, i ye n na diboo faliŋ n ye maloo le la.

Jabuuroolu 18:29

I la maakoyiroo kaŋ, n ka haañi le, ka kelediŋ kafoo boyinkaŋ. N na Alla la deemaaroo kaŋ, n ka sawuŋ tata sansaŋolu la.

Jabuuroolu 23:4

Hani niŋ m be taama kaŋ wulumbaŋ dibiŋ baa kono, n te sila la kuu jawu la, kaatu i be m fee le. I la kantarilaŋ pudoŋo niŋ i la taamaraŋ dokoo, wolu le ka n jusulandi.

Jabuuroolu 27:1

Yaawe* le mu n na lampoo ti, aniŋ n na tankoo, m be sila la jumaa le la? Yaawe le mu n na baluwo tuukuraŋo ti, jumaa le la kuwo be n kija fara la?

Jabuuroolu 4:6

Jamaa le ka ñininkaaroo ke ko, “Muna, m̀ be kuu betoo domandiŋ je noo la le baŋ?” Yaawe, i ñaa diyaa m̀ fee, i ye neema m̀ ma.

Jabuuroolu 84:11

Yaawe Alla ka munta n ye le ko tiloo, aniŋ tankaraŋ koteeroo*, ate le ka hiina aniŋ ka horomoo dii. Moolu mennu baluuñaa maŋ sootaari soto, a buka wolu bali kuu kende la.

Kuma Kotoomaalu 13:9

Moo tilindiŋo ka mala le ko tiloo, bari moo jawoo la lampoo be dubeŋ na le.

Kuma Kotoomaalu 20:20

Niŋ i ye i baa niŋ i faa neŋ, i la lampoo be dubeŋ na le.

Kuma Kotoomaalu 24:20

kaatu ñaato siniŋ moo jawoo maŋ jiki soto, aduŋ a la lampoo be dubeŋ na le.

Yesaya 2:4

A be kiitiyo kuntu la bankoolu teema le, aduŋ a be fitinoo daa faa la moo jamaa ye. Ì be ì la hawusaroolu* tunkaŋ na le, ka ì ke senedaboolu ti, ì la sooroolu ye ke katirilaŋolu ti. Banku te hawusari sika la banku kamma, sako ì si moo karandi keloo keñaa la kotenke.

Yohana 12:46

Nte naata le ka ke maloo ti ñiŋ duniyaa kono, fo niŋ moo-wo-moo laata n na, wo te tara la diboo kono.

Yohana 8:12

Yeesu diyaamuta moolu ye kotenke ko, “Nte le mu duniyaa la maloo ti. Moo meŋ ye nte nooma, wo maarii te taama la diboo kono, bari a be maloo le soto la meŋ ka baluwo dii.”

Efesusinkoolu 5:14

aduŋ feŋ-wo-feŋ meŋ jeta maloo kono, wo fanaa keta maloo le ti. Wo kamma la, a fota le ko: “Ite siinoolaa, kuniŋ i ye wuli saayaa kono, aduŋ Kiristu be a la maloo mala la i kaŋ ne.”

Efesusinkoolu 5:8

Ali mu diboo le ti nuŋ, bari saayiŋ ali mu maloo le ti Maariyo kono. Wo kamma la, ali baluu ko moolu mennu mu maloo taa ti.