Yuuba 27:16 - Mandinka Bible

¹⁶ Moo kuruŋo si kodiforo buutoo soto, aniŋ duŋ feŋ jamaa, ka tambi a la suuloo la,

Yuuba 27:16 Mawu Ofanana

1 Mansoolu 10:27

Sulemani ye kodiforoo fuumandi Yerusalaamu kono le komeŋ beroo, aduŋ sedari* babaroo fuumata le komeŋ sikamu sooto yiroolu mennu be Sefela* konkotundoo* to.

Esita 8:1

Wo luŋ kiliŋo Mansa Ahasuweru ye Hamani la sotofeŋolu bee dii Mansamusoo* Esita la, ate Hamani meŋ keta Yahuudoolu jawoo ti. Moridekayi naata mansa ñaatiliŋo la, kaatu Esita ye a fo a ye le, a niŋ a denta ñaameŋ.

Yuuba 15:29

Ñiŋ moo siifaa te tu noo la fankoo kono, a la fankoo te labaŋ noo la, a la fankoo te janjaŋ noo la bankoo bee kaŋ.

Yuuba 20:10

Ì faŋo buloo le be ì la fankoo seyindi la, aduŋ ì diŋolu si sadaa daani fuwaaroolu nooma.

Yuuba 22:24

I la sanoo fayi buutoo kono, i la sanoo meŋ bota Ofiri tundoo kaŋ, a fayi bolondiŋo kono, beroolu be daameŋ.

Yuuba 27:15

Moo-wo-moo baluuta a diŋolu kono, kuuraŋo maasiiboo le be wo faa la, aduŋ hani ì la furuyaamusoolu te ì la saŋo woosii la.

Yuuba 27:17

bari moo kendoolu le be naa wo feŋolu duŋ na, aduŋ moo tilindiŋolu le fanaa be naa wo kodiforoolu talaa la ñoo teema.

Yuuba 3:15

waraŋ maralilaalu, mennu ye sanoo soto, ì ye ì la buŋolu kono fandi kodiforoo la.

Kuma Kotoomaalu 13:22

Moo kendoo ka keetaafeŋo tu a diŋolu ye le hani a mamariŋolu fanaa ka a soto le, bari junubelaa la naafuloo ka tara maaboriŋ moo tilindiŋo le ye.

Kawandilaa 2:26

Moo meŋ ye Alla kontaanindi, a ka ñaameŋo dii wo le la, londoo, aniŋ niiseewoo. Bari junubelaa, a ka bataa le laa wo kaŋ, ka tara naafuloo kafu kaŋ ñoo ma ka a maabo moo ye, meŋ ka Alla kontaanindi. Ñiŋ fanaa maŋ ke feŋ ti, a ka munta le ko foño bayindoo.

Habakuki 2:6

“Wo bankoolu moolu si naa teelindiri denkiloo laa ì kamma, ka ì la kuwolu mansaalitoo fo ko: Kooroo be ali ye, alitolu mennu ka wandi feŋolu kafu ñoo ma, alitolu mennu ka ali faŋ fankandi sankayaa feŋolu la. Ali be i foño la ñiŋ na waati jumaa le?

Sefaniya 1:11

Ali kumboo alitolu mennu be Saatewo Duumoo to, kaatu ali la safaarilaalu bee le be faa la, kodiforo peesalaalu bee ye kasaara.

Jakariya 9:3

Tire ye tatoo loo ka a faŋ sansaŋ, a ye kodiforoo jurumi ñoo kaŋ ko bankumunkoo sanoo, ko mbeedi kaŋ buutoo.

Matiyu 6:19

“Ali kana naafuloo maabo ali faŋolu ye ñiŋ duniyaa kono, daameŋ tumboolu niŋ komoŋo be ì tiñaa la, aniŋ daameŋ suŋolu be duŋ na ka ì suuñaa.

Yankuba 5:2

Ali la naafuloolu tolita le, tumboo dunta ali la waramba ñiimaalu la.