Yuuba 24:5 - Mandinka Bible

⁵ Ñiŋ fuwaaroolu ka finti le ka dookuwo ke wuloo kono ko faloo. Ì ka tara domori ñinoo le la wuloo kono ka ì la dimbaayaalu tambindi a la.

Yuuba 24:5 Mawu Ofanana

1 Musa 16:12

I dinkewo be ke la moo saŋaroo le ti, komeŋ fali saŋarariŋo. A be tu la moolu maa la keloo la le, aduŋ moolu fanaa niŋ a be tu la keloo le la. Diyaa te tara la a niŋ a baadiŋolu bee teema.”

1 Musa 27:40

I be baluu la niŋ hawusaroo* le la. I be ke la i doomaa ye dookuulaa le ti. Bari niŋ i keta balannaa ti a bulu, i be bo la a la maroo kono le.”

Yuuba 12:6

Suŋolu yaa ka tara sumayaariŋ ne, aduŋ Alla sookilaalu fanaa ka tara tankoo kono le. Ì ka tara jikiriŋ ì fansuŋ semboo le la ko i la Alla.

Yuuba 24:14

Niŋ diboo dunta, moofaalaa ka wuli le ka fuwaaroolu niŋ fentaŋolu faa, suutoo a ye taa suuñaaroo la.

Yuuba 24:6

Ì ka tara siimaŋ karaŋo la fankamaalu la kunkoolu le kono, ì ye tara wayini* yiridiŋ feefewo la ì la kankaŋolu kono.

Yuuba 5:5

Konkotoolu ye ì la katirifeŋolu domo, hani mennu falinta ŋaniŋolu kono. Hadumentuŋolu ye ì la fankoo kasaara.

Jabuuroolu 104:23

Moolu fanaa ka finti le ì ye taa ì la dookuwo la, ì ye tara a kaŋ fo wulaaroo.

Kuma Kotoomaalu 4:16

Kaatu ì buka siinoo noo, fo niŋ ì ye kuu kuruŋo ke. Siinoo ka ì korindi le, bari fo ì ye moo toorandi foloo.

Yeremiya 2:24

komeŋ wulakono faloo, a be kosiri ñiniŋo la, ka foñoo fee a nuŋo la taariŋ. Jumaa le si a la jaraboo daŋ noo? Mennu be lafiriŋ a la, ì kana ì faŋ batandi. A kosi waatoo kono, ì be a soto la le.

Hoseya 7:6

Ì niŋ jamfaa le ka mansa waliŋ, ì jusoo be kandiriŋ ko fuuroo, suutoo bee, ì la kamfaa ka jii le, bari wo ñaa-wo-ñaa, fanoo la kewo, a ka mala le ko dimbaa.

Hoseya 8:9

Ì taata le fo Asiriya maakoyiri ñinoo la, ko faloo, meŋ maŋ dali, ì be yaayi la ì faŋ ma. Efurayimu* ye soorifeŋolu bondi ka kanuntewolu soto.

Mika 2:1

Kooroo be boyi la moolu kaŋ ne, mennu ka tilimbaliyaa feeroo siti, aniŋ kuu kuruŋo, niŋ ì be laariŋ ì la laaraŋolu kaŋ. Niŋ fanoo keta, ì ye a taamandi ì la sembe sotoo kaŋ.

Sefaniya 3:3

Ñaatonkoolu mennu be jee, ì ka muluŋ ne ko jata bumbunnaa, a kiitiikuntulaalu ka muluŋ ko suluu konkoriŋo, ì be hadumeriŋ, ì buka hani kulu jaaroo faŋo le tu, wulaaroo niŋ soomandaa teema.

Yohana 18:28

Wo to le Yahuudoolu ye Yeesu bondi Kayifas yaa ka a samba Rooma kumandaŋo la koridaa baa to. Wo benta soomandaa juunoo le fee. Itolu faŋolu maŋ duŋ wo koridaa kono, fo ì kana kosoo, bari ì si Maariyo Tambi Tumoo siimaŋo domo noo.

Kiilaalu 23:12

Wo saamoo Yahuudoo doolu benta ka feeroo siti Pawulu kamma. Ì ye i kali ko, ì te domoroo niŋ miŋo ke la, fo niŋ ì ye a faa.