Yuuba 24:4 - Mandinka Bible

⁴ Ì ka semboo tiliŋ fentaŋolu la ka ì bali ì hakoo la. Ì ka sembetiiyaa tiliŋ fuwaaroolu la, fo ì ka bori ka maabo.

Yuuba 24:4 Mawu Ofanana

Yuuba 24:14

Niŋ diboo dunta, moofaalaa ka wuli le ka fuwaaroolu niŋ fentaŋolu faa, suutoo a ye taa suuñaaroo la.

Yuuba 29:12

Kaatu n ka fuwaaroolu le tankandi mennu ka woosii, aniŋ aliyatiimoolu mennu maŋ maakoyilaa soto.

Yuuba 29:16

Nte le keta fentaŋolu faa ti, n keta tooñaa londilaa ti tumarankewolu ye.

Yuuba 30:25

Fo nte maŋ kumboo moolu ye baŋ, mennu tarata koleyaa kono? Fo nte maŋ balafaa soto fuwaaroolu ye baŋ?

Yuuba 31:16

N nene maŋ fuwaaroolu bali feŋ na, ì suulata meŋ na m bulu. N nene maŋ furuyaamusoolu jikilateyindi.

Yuuba 31:19

Niŋ ŋa fuwaaroo je, feetoofata te meŋ bala, aduŋ a maŋ muurilaŋ soto,

Jabuuroolu 109:16

Bayiri ate maŋ i miira ka konotodiyaa yitandi, a ka fuwaaroolu le toorandi, sembentaŋolu, aniŋ moo jikilateyiriŋolu, ka ì faa.

Jabuuroolu 41:1

Neemoo be moo le ye meŋ ka moo koririŋolu hati, Yaawe* be a tankandi la le mantooroo waatoo la.

Kuma Kotoomaalu 14:31

Moo meŋ ka fuwaaroolu mantoora, a ka ì Daamansoo le sooki, bari moo meŋ ye balafaa soto ì ye, wo ka Alla le buuñaa.

Kuma Kotoomaalu 22:16

Moo-wo-moo ka fuwaaroo mantoora, ka a la naafuloo buyindi, aniŋ meŋ ka soorifeŋo dii fankamaalu la, bee be labaŋ na fuwaareyaa le la.

Kuma Kotoomaalu 28:12

Niŋ moo tilindiŋolu ye nooroo ke, seewoo baa le ka ke, bari niŋ moo jawoo ye maraloo ke, moolu ka ì kuŋ kedulaa le ñini.

Kuma Kotoomaalu 28:28

Niŋ moo jawoolu ye maraloo ke, moolu ka ì kuŋo kedulaa le ñini, bari niŋ moo jawoolu kasaarata, moo tilindiŋolu ka ñaatotaa soto le.

Kuma Kotoomaalu 30:14

Doolu be jee, mennu ñiŋolu mu hawusaroolu* ti, aniŋ mennu ŋaaŋaalu ka munta ko muroolu, ka fuwaaroolu bondi duniyaa kono, aniŋ mennu ka fentaŋolu bondi moolu kono.

Yesaya 10:2

ka fuwaaroolu bali ì la hakoo la, ka fentaŋolu la tooñaa nakari, ka furuyaamusoolu la feŋolu ñapinkaŋ, aniŋ ka aliyatiimoolu le feŋolu suuñaa.

Esekiyeli 18:12

a ka fuwaaroolu niŋ mennu be suuloo kono mantoora, a ka suuñaaroo ke, a buka feŋo murundi a ye meŋ taa sankayaaraŋo ti, a ka jalambatoo ke, a ka kuu haraamuriŋolu ke,

Esekiyeli 18:18

Bari a faamaa be faa la a faŋo la kuu jawu kewolu le kamma, kaatu a ka nakaroo le ke, a ka a baadiŋo suuñaa, aduŋ a ka kuu jawoo ke a la moolu la.

Amosi 2:7

Ali ye i tuu fuwaaroolu kuŋolu kaŋ ko niŋ ali be i tuu kaŋ bankoo le kaŋ. Ali buka tooñaa sabatindi ali niŋ moo bataariŋolu teema. Faalu niŋ ì dinkewolu ka deŋ sunkutu kiliŋo la. Ì maŋ n too kuliyaa.

Amosi 4:1

Ali ñiŋ kumakaŋo moyi alitolu Samariya musoolu, alitolu mennu be nunkuriŋ ko Basani tundoo ninsoolu, alitolu mennu ye fuwaaroolu toora, ali ye fentaŋolu batandi, alitolu mennu ka doloo kaniŋ ali keeñolu bulu.