Yuuba 24:18 - Mandinka Bible

¹⁸ Waamoo le ka moo kuruŋolu samba kataba kiliŋ, aduŋ ì tarata bankoo meŋ kaŋ, Alla la dankoo le ka tara a kunna. Ì buka muru noo ì la wayini yiri kankaŋolu to kotenke.

Yuuba 24:18 Mawu Ofanana

Yuuba 22:11

Dibi baa naata duŋ fo i buka i je noo, waamoo ye i kunuŋ.

Yuuba 22:16

Ì ye ì ñafu, janniŋ ì la waatoo ka sii, ì ye ì koosa, komeŋ niŋ waamoo ye buŋo fondamaŋo koosa.

Yuuba 24:11

Ì ka olifu* yiridiŋolu le biti naakoo kono ka ì ke tuloo ti, ì ka tara wayini yiridiŋolu le dori kaŋ ka ì ke wayinoo ti, bari hani wo bee, mindoo ka tara ì batandiriŋ.

Yuuba 24:6

Ì ka tara siimaŋ karaŋo la fankamaalu la kunkoolu le kono, ì ye tara wayini* yiridiŋ feefewo la ì la kankaŋolu kono.

Yuuba 27:20

Kijafaroo si a taki ko waamoo. Suuto foño baa le be a tindi la jana.

Yuuba 5:3

Ŋa toolewolu je le ì ye suloo duŋ, bari kataba kiliŋ dankoo boyita ì la suwolu kaŋ.

Yuuba 9:26

Ì ka tambi le ko kuluŋ tariŋo. Ì la hawusaroo* be tariyaariŋ ne komeŋ, niŋ seeliŋo be jii kaŋ a la deema suboo nooma.

Jabuuroolu 58:7

Allamaa ì ye yeemaŋ ko jiyo meŋ ka bori. Allamaa ì la jooraŋolu ye nafantaŋyaa ì buloolu kono.

Jabuuroolu 69:22

Allamaa ì la domori beŋo taabuloo ye kupi ì kaŋ komeŋ papewo, ì ka sadaalu* mennu bo ka ì domo, a ye ke ì ye kutindiŋo ti.

Kuma Kotoomaalu 3:33

Yaawe la dankoo be moo kuruŋo la buŋo kono le, bari a ka neemoo jindi moo kendoo ye le.

Yesaya 23:10

Alitolu Tarisinkoolu, ali taa ali la bankoo sene ko Nayili Boloŋo to senelaalu. Tendaa te ali bulu kotenke.

Malaki 2:2

Niŋ ali maŋ i lamoyi a la, a maŋ duŋ ali sondomoo kono, ka n too horoma, m be jaraboo le jindi la naŋ ali kaŋ, aduŋ niŋ ali ye neemoo duwaa m be a yelemandi la ali ye dankoo le ti. Ŋa a ke ali ye a ti le fokabaŋ, kaatu n na dandalaaroo maŋ duŋ ali sondomoo kono.