Yuuba 24:16 - Mandinka Bible

¹⁶ Suutoo la, suŋolu si wuli ka duŋ wandi buŋolu kono. Bari tiloo ñaama, ì si tara ì faŋ sorondiŋ buŋolu kono. Ì buka lafi ì niŋ tiloo la maloo ye kuu kafu.

Yuuba 24:16 Mawu Ofanana

Yuuba 24:13

Moolu be sotoriŋ ne, mennu balanta Alla la maloo ma, mennu maŋ a taaraŋ siloolu loŋ, waraŋ ka tu looriŋ ì kaŋ.

Esekiyeli 12:12

Aduŋ ì la mansakewo be a la fudoo deŋ na a kaba la wo le ñaama, a ye buŋo baloo siŋ, ka finti niŋ jee la diboo kono. Aduŋ a be feŋ ne muuri la a ñaadaa kaŋ, meŋ be a tinna la, a te feŋ je noo la.

Matiyu 24:43

Bari ali si a loŋ ko, niŋ a ye a tara ko, koridaatiyo ye a loŋ, suŋo be naa la suutoo waatoo meŋ na, wo to a be tara la koroosiroo la le, aduŋ a te soŋ na a ye a la koridaa tiñaa ka suuñaaroo ke.

Matiyu 6:19

“Ali kana naafuloo maabo ali faŋolu ye ñiŋ duniyaa kono, daameŋ tumboolu niŋ komoŋo be ì tiñaa la, aniŋ daameŋ suŋolu be duŋ na ka ì suuñaa.

Yohana 3:20

Kaatu moo-wo-moo meŋ ka kuu kuruŋo ke, wo ka maloo koŋ ne. A buka naa maloo to, fo a la kebaaroolu kana waañaari.