Yuuba 24:1 - Mandinka Bible

¹ Muŋ ne ye a tinna Alla Tallaa maŋ waatoo londi kiitiyo ye? Muŋ ne ye a tinna hani a loŋ moolu faŋolu buka ñiŋ kiitiyo luŋo je noo?

Yuuba 24:1 Mawu Ofanana

1 Musa 18:17

Bituŋ Yaawe ko a faŋ ye ko, “M be naa meŋ ke la, n te a maabo la Iburayima ma.

1 Musa 7:4

Tili woorowula ñaato, m be sanjiyo jindi la naŋ duniyaa kono fo tili taŋ naani aniŋ suuto taŋ naani, aduŋ ŋa niilamaa feŋ-wo-niilamaa feŋ daa, m be ì bee le kasaara la ka bo duniyaa bankoo kaŋ.”

Yuuba 15:20

Moo kuruŋo ka a baluu tiloo bee ke niitooroo le kono, fitinamoo ka a la baluwo bee ke bataa le kono.

Jabuuroolu 31:15

N na baluwo muumewo be ite le bulu. N tankandi n jawoolu bulu, mennu ka n toorandi.

Jabuuroolu 36:10

Dukaree, tu i la kanu bambaloo kaŋ moolu ye mennu ye ite loŋ, aduŋ i si neema moolu ma tiliŋo be mennu sondomoo kono.

Jabuuroolu 9:10

Moolu mennu ye ite loŋ famfaŋ, wolu be ì jikoo loo la i kaŋ ne. Yaawe, ite buka i koo dii moolu la mennu ka i ñini.

Kawandilaa 3:17

N ko m faŋ ye ko, “Moo tilindiŋ, moo kuruŋ, Alla be ì bee le kiitindi la. Ate le ye waatoo londi feŋo bee la, a ye waatoo londi baara kuwolu bee la.”

Yesaya 2:12

Yaawe Alihawaa Maariyo* ye luŋ ne tomboŋ, luŋo meŋ a be faŋ wara moolu, faŋ sikandilaalu, aniŋ kibiri moolu bee la kuwo jindi la.

Yesaya 60:22

Dimbaayaa meŋ maŋ siyaa i kono, be naa ke la kaabiila baa le ti, meŋ dooyaabaata si naa ke banku baa ti. Nte le mu Yaawe ti. Niŋ a waatoo siita, m be a ke la tariyaake le.”

Yeremiya 46:10

Bari luŋo ñiŋ mu nte Yaawe Alihawaa Maariyo* la luŋo le ti, julujoo luŋo, ka n joo n jawoolu to. Hawusaroo* be faaroo ke la le fo a ye tiiña, a ye i miŋ ì yeloo la fo a ye ñeeli. Kaatu nte Yaawe Alihawaa Maariyo be faari sadaaboo le ke la, maraa kara bankoo kaŋ, Yufurati Boloŋo daala.

Daniyeli 2:21

Ate le ka waatoolu niŋ jamaanoolu yelemandi, ate le ka mansoolu londi, aduŋ ate le ka ì bondi. Ate le ka ñaameŋo dii, aniŋ londoo.

Obadiya 1:15

“Luŋo sutiyaata naŋ ne, nte Yaawe be bankoolu bee kiitindi la meŋ na. Ali ye juloo meŋ duŋ, wo le be joo la ali to. Ali la baara kuwolu be kupi la ali faŋolu kuŋo le kaŋ.

Sefaniya 1:7

Ali i deyi Maarii Yaawe ñaatiliŋo la. Yaawe la luŋo sutiyaata naŋ ne. A be pareeriŋ ne ka a la moolu kanateyi ko beeyaŋ sadaa*, aduŋ a ye ì jawoolu le buuñaatoo kumandi a sadaa domoo to.

Matiyu 24:38

Kaatu wo luŋolu la, janniŋ Tuufaani Waamoo be naa la, moolu tarata domoroo niŋ miŋo la le. Ì ka futuu, aduŋ ì ka ì diŋolu futundi fo waatoo meŋ na, Nuha dunta kuluŋo kono.

Yohana 17:3

Aduŋ ñiŋ ne mu badaa-badaa baluwo ti ko, ì si ite loŋ, ite meŋ dammaa mu Alla tooñaa ti, aniŋ ì si Yeesu Kiristu* loŋ, i ye meŋ kii.

Kiilaalu 1:7

A ko ì ye ko, “A maŋ ke alitolu la kuwo ti ka waatoolu niŋ luŋolu loŋ, m Faamaa ye mennu londi a fansuŋ kaŋo kaŋ.

Kiilaalu 17:26

Ate le ye sii-wo-sii daa ka bo niŋ kee kiliŋ na, ka sabati duniyaa bankoolu bee kaŋ. A ye waatoolu londi ì la baluwo la, a ye dulaalu tomboŋ ì ye ka sabati jee,

Roomankoolu 2:5

Bari i sondomoo bambanta le, i maŋ soŋ tuuboo la. Wo le ye a tinna i be Alla la kamfaa baa kafu kaŋ ñoo ma i faŋo ye fo Alla la kamfaa baa luŋo la, a la kiitii tilindiŋo be lankenema la luŋo meŋ na.

1 Tesalonikankoolu 5:1

Baadiŋolu*, m̀ maŋ suula ka safeeroo ke waatoolu niŋ luŋolu la kuwo to,

1 Timoti 4:1

Noora Kuliŋo ye a fo seneyaarinke le ko, luŋ labaŋolu kono, doolu be lannoo bula la le, ì ye neeneeri nooroolu nooma, aniŋ seetaani jawoolu la karandiroolu.

1 Timoti 6:15

Alla faŋo ye meŋ londi. Ate Alla kiliŋo le mu Sembetiyo ti, meŋ jarita jayiroo bee la, Mansoolu la Mansoo aniŋ Maariyolu Maarii.

2 Pita 2:3

Ì la hadumoo kamma la, ì be ali la naafuloolu buusi la ali bulu niŋ faniyaa kumoolu la. Bari ì la yankankatoo be pareeriŋ ne kabiriŋ waati jaŋ koomanto, aduŋ ì la kasaaroo be ì batu kaŋ ne.