Yuuba 23:10 - Mandinka Bible

¹⁰ Bari ate ka nte taaraŋ siloo loŋ ne. Niŋ a ye n kotobo, a be n tara la koyiriŋ ne ko saniforoo.

Yuuba 23:10 Mawu Ofanana

1 Musa 18:19

Nte Yaawe le ye a tomboŋ, fo a si a diŋolu niŋ a koomalankoolu yaamari, ka tara n na siloo kaŋ, aniŋ ka tiliŋo niŋ tooñaa taamandi. Niŋ ì ye a ke, ŋa a laahidi meŋ na, m be a bee le ke la.”

2 Samuweli 22:22

Kaatu ŋa ite Yaawe la siloolu nooma le, m maŋ kuu kuruŋo ke, ka n koo dii n na Alla la.

2 Mansoolu 20:3

“M Maarii Yaawe, ŋa i daani i si ñiŋ juubee ko, n taamata i ñaa koto tiliŋo le la, aniŋ sondome seneyaa, aduŋ m baarata kuwolu le la mennu beteyaata i fee.” Bituŋ a kumboota kendeke.

Yuuba 10:7

Ite ye a loŋ ne ko, nte maŋ boyi, aduŋ ko, moo te n tanka noo la ite bulu.

Yuuba 23:7

Bituŋ n si naa n na kuwo kiitiyo laa a ñaa koto, ko moo meŋ tilinta. A si kiitindiroo ke, ka a yitandi ko, n koyita le fo fawu.

Yuuba 23:9

Niŋ a be dookuwo la maraa kara maafaŋo la, m buka a je, niŋ a sawunta bulubaa kara maafaŋo fanaa la, m buka hani a kuntutoo faŋo le je.

Yuuba 31:4

Fo Alla maŋ tara n taaraŋ siloolu je kaŋ baŋ, n na simfaa-wo-simfaa, a be londiŋ a bee ma le?

Yuuba 31:6

Wo to Alla ye n na kuwo peesa tiliŋo peesarilaŋo kaŋ, a be a loŋ na le ko, n tilinta le.

Yuuba 33:9

I ko, ite maŋ sootaari soto, aduŋ i maŋ junube kuu ke, i seneyaata, aduŋ i maŋ boyi kuu ke.

Yuuba 6:29

Ali a daŋ wo la, ali kana kasoo fo. Ali i miira, nte be tooñaa le kaŋ hani saayiŋ.

Yuuba 7:18

I ka tara a la kuwo hakilituriŋ soomandaa-wo-soomandaa. I ka tara a kotobo la waati-wo-waati.

Jabuuroolu 1:6

Kaatu Yaawe ka moo tilindiŋolu la siloo kanta le, bari moo kuruŋolu la siloo be kasaara la le.

Jabuuroolu 11:5

Yaawe ka moo tilindiŋolu niŋ moo kuruŋolu bee le kotobo. A ye fitinantuŋolu koŋ jawuke le.

Jabuuroolu 17:3

Hani niŋ i ye n sondomoo kono kusonsoŋ, i ye n kisikisi suutoo la, i ye n kotobo, i te kuu kuruŋo tara la n kono. Ŋa tawoo taa le ko n daa te kuma jawu fo la.

Jabuuroolu 66:10

Hee Alla, i ye ntolu kotobo le, i ye ǹ ke le komeŋ kodiforoo ka yelundi ñaameŋ, ka a seneyandi.

Jabuuroolu 7:9

Moo kuruŋolu la kuruŋyaa daŋ, i ye moo tilindiŋolu londi ka bambaŋ. Ite Alla tilinta le, i ka moo-wo-moo la miiroo niŋ a la hame kuwolu koroosi le.

Kuma Kotoomaalu 17:3

Komeŋ dimbaa ka sanoo niŋ kodiforoo foroyandi ñaameŋ, Yaawe* ka moo sondomoo la kuwo kotobo wo le ñaama.

Yeremiya 12:3

Bari Yaawe, ite ye nte loŋ ne. I ñaa ka tara n na le, ka n sondomoo kotobo i la kuwo to. Wo moo kuruŋolu bondi banta ko ì ka taa saajiyolu mennu kanateyi, i ye ì jenkendi kara la ka ì kanateyi waatoo batu.

Jakariya 13:9

Talaadaa sabanjaŋo, m be wolu seneyandi la dimbaa le la, ko ì ka kodiforoo seneyandi ñaameŋ. M be ì kotobo la le, ko ì ka sanoo kotobo ñaameŋ. Ì be n too kumandi la le, aduŋ m be n danku la ì ma le. N si a fo ko, ‘Ì mu n na moolu le ti.’ Ì fanaa si a fo ko, ‘Yaawe le mu ǹ na Alla ti.’ ”

Yohana 21:17

Yeesu ko a ye sabanjanke ko, “Simoni Yohana dinkewo, fo i ye n kanu le baŋ?” Pita niyo naata kuyaa baake, kaatu wo le mu siiñaa sabanjaŋo ti, Yeesu ye a ñininkaa ko, “Fo i ye n kanu le baŋ?” Wo to le Pita ko a ye ko, “M Maarii, i ye kuwolu bee loŋ ne. Ite ye a loŋ ne ko, ŋa i kanu le.” Bituŋ Yeesu ko a ye ko, “N na saajiyolu daañini!

1 Korintinkoolu 3:15

Bari niŋ moo meŋ na dookuwo janita, wo maarii be bono la le. Bituŋ a maarii faŋo be kiisa la le, bari a be ke la le ko moo meŋ kanata dimbaa ma.

5 Musa 8:2

Ali kana ñina Yaawe ali la Alla ye ali ñaatonkayaa ñaameŋ keñewuloo* kono, fo sanji taŋ naani. A ye koleyaa kuu jamaa le laa ali kaŋ ka ali kotobo, fo ali si ali fammajii, aniŋ ka a loŋ fo ali be a la yaamaroolu muta la le.

2 Timoti 2:19

Bari Alla la fondamaŋ bambandiŋo te maamaŋ noo la, a be notoriŋ ñiŋ kumoolu le la: “Maariyo ye moolu loŋ ne, mennu mu a taa ti.” Aduŋ “moo-wo-moo meŋ ka Maariyo too kumandi, wo ñanta a koo dii la tilimbaliyaa la le.”

Hiburunkoolu 11:17

Ka bo niŋ lannoo le la, Iburayima ye Isiyaaka bondi sadaa ti, kabiriŋ Alla ye a kotobo. A pareeta le ka a dinkee kiliŋo bo sadaa ti, a ye laahidoo soto meŋ na kuwo to nuŋ,

Yankuba 1:12

Barakoo be moo le ye, meŋ ka wakiili kotoboroo la, kaatu wo koolaa a maarii be baluwo kañeerinaafoo soto la le, Alla ye meŋ laahidi moolu ye, mennu ye a kanu.

1 Pita 1:7

Ka bo niŋ wo kotoboroo le la, ali la lannoo la foroyaa be je la ko, a nafaa warata ka tambi sanoo la, meŋ na foroyaa fanaa ka loŋ niŋ dimbaa la. Wo to le, ali la kuwo be ke la tenturoo, jayiroo, aniŋ horomoo sababoo ti, Yeesu Kiristu be muru la naŋ waatoo meŋ na.