Yuuba 22:6 - Mandinka Bible

⁶ I ka sankoo kaniŋ i baadiŋolu bulu, a buka ke daliila kaŋ ti. I ka kewolu la duŋ feŋolu wura ì la, i ye ì kenseŋo bula.

Yuuba 22:6 Mawu Ofanana

Yuuba 24:3

Ì ka aliyatiimoolu la faloolu suuñaa ì koto, ì ka furuyaamusoolu la ninsituuraalu taa ì bulu sankayaa ti.

Yuuba 24:7

Duŋ feŋ buka tara ì la, ì kenseŋolu le ka i laa suutoo, ì buka feŋ soto, ì be i muuri la meŋ na sumayaa waatoo la.

Yuuba 29:12

Kaatu n ka fuwaaroolu le tankandi mennu ka woosii, aniŋ aliyatiimoolu mennu maŋ maakoyilaa soto.

2 Musa 22:26

Niŋ ali ye moo la dendika baa taa, ka a ke sankayaaraŋo ti ko, a be ali joo la le, janniŋ tiloo ka boyi, ali ñanta a murundi la a kaŋ ne.

Esekiyeli 18:12

a ka fuwaaroolu niŋ mennu be suuloo kono mantoora, a ka suuñaaroo ke, a buka feŋo murundi a ye meŋ taa sankayaaraŋo ti, a ka jalambatoo ke, a ka kuu haraamuriŋolu ke,

Esekiyeli 18:16

a buka moo mantoora, waraŋ a buka sankayaaraŋ taa juloo to, a buka suuñaari ke, bari a ka konkotoolu domorindi, a ka fuwaaroolu feetoofata,

Esekiyeli 18:7

aduŋ a buka moo toora, bari a ka feŋolu murundi le, a ye mennu taa sankayaaraŋo ti, a buka suuñaaroo ke, bari a ka a la domoroo dii konkotoolu la le, a ka fuwaaroolu feetoofata,

Amosi 2:8

Sadaabodulaa-wo-sadaabodulaa*, ali ye i laa a daala le sitifaanoolu kaŋ, ali ka mennu taa sankayaaraŋo ti. Ali ye alimaani kodoolu saŋ doloo la, ali ye a miŋ ali la batudulaa to.

5 Musa 24:6

Niŋ ali ye moo donto, ali kana a la tuurilaŋo taa sankayaaraŋo ti. Niŋ ali ye wo ke, a ka munta ali ye a la baluuraŋo le taa sankayaaraŋo ti.