Yuuba 21:8 - Mandinka Bible

⁸ Ì diŋolu la kayira kuwolu ka ke ì ñaa la, ì ka ì mamariŋolu je.

Yuuba 21:8 Mawu Ofanana

Yuuba 18:19

Ì maŋ diŋ soto ka ke ì koomoo ti, hani moo kiliŋ te baluu la ì sabatidulaa to.

Yuuba 20:10

Ì faŋo buloo le be ì la fankoo seyindi la, aduŋ ì diŋolu si sadaa daani fuwaaroolu nooma.

Yuuba 20:28

Ì la bunkono feŋolu bee si kasaara, ka ì wafu naŋ Alla la kamfaa luŋo la.

Yuuba 21:9

Ì ka tara kayiroo kono ì la koridaa kono, aduŋ ì buka silandaa kuu soto. Alla la busoo buka naa ì kaŋ.

Jabuuroolu 17:14

Yaawe, ka bo niŋ i semboo la, n tanka moo halakiriŋolu ma, mennu la joo mu duniyaa kuwo doroŋ ne ti. Allamaa i ye ì soodindi jaraboo la, i ye meŋ maabo ì kamma. Allamaa ì diŋolu taa ye tambi wo la, fo too ye tu ì koomalankoolu ye.

Kuma Kotoomaalu 17:6

Mamariŋo ka ke mamoo ye ŋaañaaraŋo le ti, aduŋ dindiŋo fanaa ka kontaanoo soto, a la alifaalu la karoo le la.

Yesaya 65:23

Ì te ì semboo bo la kensenke, waraŋ ka diŋolu wuluu, kasaaroo be naa mennu kaŋ, kaatu ì be ke la moolu le ti, Yaawe be neema la mennu ma, ì niŋ ì koomalankoolu bee.