Yuuba 20:7 - Mandinka Bible

⁷ ì si halaki fo fawu ko ì faŋolu la kenetotaa, meŋ nene ka ì je nuŋ, si ñininkaaroo ke, ì be daameŋ.

Yuuba 20:7 Mawu Ofanana

1 Mansoolu 14:10

“Ñiŋ kuwo kamma la, m be kuu jawoo laa la Yerobowamu la dimbaayaa kaŋ ne. M be a la dimbaayaa kewolu bee le faa la, biriŋ a foro fo a joŋ Banisirayila kono. M be Yerobowamu la dimbaayaa jani la le ka a kasaara komeŋ moo ka ñaamoo jani ñaameŋ fo a bee ye baŋ fereŋ.

2 Mansoolu 9:37

A furewo be ke la le komeŋ buwo bankoo to, Yesireeli kenoo kono. Moo te soto la meŋ si a fo noo ko ñiŋ mu Yesebeli le ti.’ ”

Yuuba 14:10

Bari hadamadiŋo, niŋ a faata, a daŋo bee ka ke wo le ti. Wo to a ka tara mintoo le, niŋ a maŋ tara keriŋ?

Yuuba 14:14

Niŋ hadamadiŋo faata, fo a be wuli la le koteŋ baŋ? M be tara la muñariŋ n na bataa luŋolu bee kono le, fo janniŋ m firiŋ luŋo.

Yuuba 14:20

Ite le ka a kasaara niŋ i semboo la, a ye taa yereŋ. Ite le ka a muluŋo faliŋ, i ye a la kuwo daŋ.

Yuuba 21:28

Ali kumata le ko, wo moo baa la buŋo be mintoo le, aniŋ tiriliisoo* meŋ, moo kuruŋolu tarata sabatiriŋ a kono?

Yuuba 27:19

A niŋ fankoo si i laa, ñaa biti niŋ ñaa yele teema, a la fankoo bee ye yeemaŋ.

Yuuba 4:20

Hadamadiŋo si tara baluwo to soomandaa, a ye faa wulaaroo ka yeemaŋ fo fawu, moolu maŋ a loŋ meŋ be keriŋ.

Yuuba 7:10

Ì buka muru naŋ kotenke ì la buŋolu kono, sako ì bodulaalu si ì loŋ kotenke.

Yuuba 8:18

Bari niŋ ì naata ì wutu jee, moo te a loŋ noo la ko, ì nene ka tara nuŋ jee le.

Jabuuroolu 112:10

Moo kuruŋolu si wo je, ì ye kamfaa. Ì si i ñimmakiŋ, aduŋ ì niŋ wo le ka faa. Moo kuruŋo hame kuwo ka naa ke kuu kenseŋo le ti.

Jabuuroolu 41:5

N jawoolu ka kuma jawoolu le fo m ma ko, “Muna a te faa la baŋ, fo a too si buruka fereŋ?”

Jabuuroolu 83:10

Wolu mennu kasaarata Endori, ì furewolu tolita bankoo to.

Yesaya 41:12

Ali be ali jawoolu ñini la le, bari ali te ì je la. Kele kurukurulaalu ali kamma te feŋ nafaa la kotenke.

Yeremiya 8:2

Ì be kuloolu janjaŋ na tiloo la le, kari maloo, aniŋ looloolu bee ye. Ì ye wolu le kanu, ka dookuwo ke ì ye, ka bula ì nooma, ka ì la kuwo ñini, aniŋ ka ì batu. Ì te kafu la ñoo ma, sako ka baadee. Ì jambandimaa be tu la laariŋ bankoo to wo le ñaama.

Obadiya 1:4

“Hani niŋ ali ye ali yaalu loo santo le ko seeliŋo, ali ye ali yaalu ke looloolu teema, n si ali saba naŋ jee duuma.” Yaawe le ye a fo.