Yuuba 20:12 - Mandinka Bible

¹² Kuruŋyaa ka tara diyaariŋ ì ye le, komeŋ niŋ diimaa le be ì daa kono, ì ka a maabo ì neŋolu koto duuma.

Yuuba 20:12 Mawu Ofanana

1 Musa 3:6

Wo le to biriŋ musoo ye a je ko, yiridiŋo ñiŋ beteyaata le ka a domo, aduŋ a be ñaaboo daa le to, aniŋ yiroo ñiŋ na kuwo be lafoo daa le to ka ñaameŋo dii moo la, a ye a diŋo taa, a ye a domo. A ye doo dii a keemaa la, a niŋ meŋ be jee, wo fanaa ye a domo.

2 Samuweli 11:12

Wo to le Dawuda ko a ye ko, “Tu jaŋ fo tili kiliŋ ñaato, saama m be i murundi la le.” Bituŋ Uriya sabatita Yerusalaamu wo luŋo la, aniŋ a saamoo.

Yuuba 15:16

sako hadamadiŋo meŋ be ñewundiŋ, a be tiñaariŋ, a ka tu kuu kuruŋ kewo la, ko a ka jiyo miŋ ñaameŋ.

Jabuuroolu 10:7

A daa kono ka tara faariŋ dankaroo le la, neeneeroo, aniŋ mantoora kumoo. A neŋo be kalandiŋ kuruŋyaa niŋ kuu jawoo le la.

Kuma Kotoomaalu 19:28

Seedenduroo buka tiliŋo muta feŋ ti, aduŋ faniyaa foo ka diyaa moo kuruŋo le ye.

Kuma Kotoomaalu 20:17

Feŋo meŋ sotota suuñaaroo kono, ka diyaa le, bari a koolaa, a maarii daa ka tara faariŋ bankoo le la.

Kawandilaa 11:9

Ite keendiŋo, i faŋ seewondi, i la fondinkeeyaa waatoo la. I hakiloo kali i samba niiseewoo kuwo kaŋ, i la fondinkeeyaa tiloolu la. Bula i niidiyaa nooma, aniŋ i ñaabo feŋolu. Bari i si ñiŋ loŋ ko, Alla be i kontibo la kuwolu bee le la, i ye mennu ke.

Yeremiya 2:19

I la kuu jawoo le be kuluuroo naati la i kaŋ, aduŋ i badalita m ma, wo le be jalayiroo saabu la i ma. I si a loŋ aniŋ ka a je ko, kuu jawu le mu, aniŋ kuu dimindiŋ, ka i koo dii nte Yaawe i la Alla la. I maŋ n ñaasilaŋo soto.” Yaawe Alihawaa Maariyo* le ye a fo.