Yuuba 2:7 - Mandinka Bible

⁷ Wo le to Seetaani bota Yaawe ñaatiliŋo la. A ye Yuuba baloo bee ke kati jawu baa ti, ka bo a sinteetewo to fo a kuŋ teemoo to.

Yuuba 2:7 Mawu Ofanana

2 Samuweli 14:25

Saayiŋ, Banisirayila bee kono, moo te jee, moo si meŋ na ñiiñaa selendi Abusalomu kaŋ. Ka bo a sinkondiŋ labaŋo to, ka taa fo a kuŋo to, sootaari feŋ te jee.

1 Mansoolu 22:22

“Yaawe ye a ñininkaa ko, ‘I be a ke noo la ñaadii le?’ “Malaayikoo ñiŋ ko a ye ko, ‘M be taa le ŋa faniyaa kumoo duŋ Ahabu la annabiyomoolu bee daa kono.’ “Wo to le Yaawe ko, ‘Ite be a ke noo la le. Taa i ye a neenee.’

Yuuba 1:11

Bari niŋ i ye i buloo laa a sotofeŋolu bee kaŋ, a be i sooki la le.”

Yuuba 13:28

Wo le ye a tinna m be tiñaa kaŋ, n keta komeŋ babara toliŋo. N keta komeŋ bayoo, tumboolu dunta meŋ na.

Yuuba 2:6

Yaawe ko Seetaani ye ko, “Wo to saayiŋ, a be i la maroo to, bari danko doroŋ i kana a faa.”

Yuuba 30:30

M balajaatoo finta, a bee wurata, m baloo kono kandita wit.

Yuuba 7:5

M baloo kono bee keta tumboo ti, aniŋ m bala fatewo kaŋ bee keta maadiŋ fatoolu ti. Niŋ ì kendeyaata doroŋ, ì ye faa fiyo la kotenke.

Yesaya 1:6

Ka bo ali siŋ teetewo to, ka taa fo ali kunteemoo to, kereyaa te jee, baramoolu niŋ warasoolu dammaa le be jee, aniŋ namaroolu. Ì maŋ ì kuu, waraŋ ka booroo ke ì bala, sako ka ì siti.

Yesaya 3:17

Saayiŋ, Maariyo be maadiŋ kuuraŋo le ke la Siyoni musoolu kuŋolu bala, a be ì bala kenseŋo laa la banta.

5 Musa 28:27

Yaawe be ali mantoora la maadiŋolu le la, a ye meŋ ñoŋo laa nuŋ Misirankoolu kaŋ. Yitoolu si ke ali bala, katoo aniŋ bala ŋañaa kuuraŋ koteŋolu, mennu te jaara noo la.

5 Musa 28:35

Yaawe be maadiŋ jawoolu le ke la ali siŋolu bala meŋ te jaara noo la, ka bo ali kuŋolu to ka jii naŋ fo ali sinteetewo to.

Lankenemoo 16:11

Ì ka kuma jawoo fo Alla ma, meŋ be Arijana kono, ì la dimoolu niŋ ì la maadiŋolu la kuwo kamma la, bari ì maŋ soŋ ka ì koo dii ì la junuboolu la.