Yuuba 2:13 - Mandinka Bible

¹³ Ì siita a fee bankoo to jee fo tili woorowula, aniŋ suuto woorowula, moo maŋ hani kuma fo a ye, kaatu ì ye a je le ko, bataa kuwo meŋ be a kaŋ, wo semboo warata baake le.

Yuuba 2:13 Mawu Ofanana

1 Musa 1:5

Alla ye maloo kumandi tiloo la, a ye diboo kumandi suutoo la. Bituŋ wulaaroo naata soto, aniŋ soomandaa, tili foloo la.

1 Musa 1:8

Bituŋ Alla naata saŋ fatoo kumandi saŋo la. Wulaaroo niŋ soomandaa sotota, tili fulanjaŋ luŋo la.

1 Musa 50:10

Kabiriŋ ì futata Koreni-Atadi, meŋ be Yoridani tilibo kara maafaŋo la, ì ye saŋawoosii baa le ke jee. Yusufa ye a faamaa la kuwo woosii jee le fo tili woorowula.

Esira 9:3

Kabiriŋ ŋa ñiŋ moyi, ŋa n na duŋ feŋolu fara, niikuyaa kamma la. Ŋa n kuntiñoo niŋ m booraa wafu, aduŋ n sunuriŋ baa siita bankoo to.

Nehemiya 1:4

Kabiriŋ ŋa ñiŋ kumoolu moyi, n siita duuma ka kumboo. A ye tili dantaŋ sii le m be woosii la. N sunta, n duwaata ka Arijana Maarii daani.

Yuuba 3:1

Ñiŋ bee koolaa, Yuuba naata a daa yele, a ye a wuluu luŋo danka.

Yuuba 4:2

Kori niŋ moo ye kuma fayi i kaŋ, a te i dimi la? N te n daakumoolu muta noo la n kono.

Jabuuroolu 77:4

Hee Alla, i ka n ñaalu bali biti la le suutoo. N jaakalita le fo m buka diyaamu noo.

Yesaya 3:26

Saatee dundaŋ daa faŋo be woosii la le ka kumboo, saatewo faŋo be muluŋ na le ko musoo, meŋ kiideeriŋo be siiriŋ bankoo to.

Yesaya 47:1

Yaawe* ko: “Ite Sunkutoo Babiloni, sii buutoo kono, Dimmusuriŋ* Babiloni, wuli i la mansasiiraŋo kaŋ, i ye sii bankoo to. Ì te i kumandi la yele mereŋo la kotenke, waraŋ sunkutu ñiimaa.

Niikuyaa Suukuwolu 2:10

Kooroo keta, Siyoni saatewo alifaalu siita bankoo le to deyoo kono, ka buutoo fayi ì kuŋolu kaŋ, ì ye booto funtoolu duŋ niikuyaa kamma. Yerusalaamu sunkutoolu ñoyita, ì ye ì foŋo loo bankoo to.

Esekiyeli 3:15

N taata mutamoolu yaa Teli-Abibu saatewo to Kebari Boloŋo daala. Bituŋ n sabatita ì fee jee fo tili woorowula, n niŋ jaakaloo.