Yuuba 2:11 - Mandinka Bible

¹¹ Kabiriŋ Yuuba ñiŋ teeri saboo Elifasi Temaninkoo, Bilidadi Suhankoo, aniŋ Sofari Naamankoo ye a la ñiŋ bataa kuwolu bee moyi, mennu laata a kaŋ, ì bee bota naŋ ì yaalu to ka beŋ ñoo kaŋ ka taa Yuuba sabarindi, ka ì la balafaadaa yitandi a la.

Yuuba 2:11 Mawu Ofanana

1 Musa 25:2

Ketura ye Simurani wuluu Iburayima la, Yokisani, Medani, Midiyani, Yisibaki, aniŋ Suwa.

1 Musa 36:11

Elifasi dinkewolu, wolu le mu Temani ti, Omari, Sefo, Katamu, aniŋ Kenasi.

1 Musa 36:15

Ñinnu le mu lasiloolu ti, mennu bota Esawu bala. Esawu dinkee keebaa Elifasi, wo le mu ñiŋ lasiloolu bonsuŋo ti: Temani, Omari, Sefo, aniŋ Kenasi,

1 Musa 36:34

Yobabu faata, Husamu meŋ bota Temaninkoolu la bankoo kaŋ, seyita a noo to.

1 Musa 37:35

A dinkewolu bee niŋ a dimmusoolu taata a kaŋ ka a sabarindi, bari ì maŋ a sabarindi noo. A ka ñiŋ ne fo ko, “N na woosiyo waatoo te baŋ na, fo ŋa bula n dinkewo nooma fureeduu.” Yusufa faamaa ye a la kuwo woosii le famfaŋ.

1 Taarika 1:32

Ketura, Iburayima la kaŋ foroyandi musoo*, wo ye dinkewolu mennu soto, wolu le mu: Simurani, Yokisani, Medani, Midiyani, Yisibaki aniŋ Suwa. Yokisani dinkewolu, wolu le mu Seba ti, aniŋ Dedani.

1 Taarika 1:45

Biriŋ Yobabu faata, Husamu meŋ bota Temaninkoolu la bankoo kaŋ, wo le seyita a noo to.

1 Taarika 7:22

Ì faamaa Efurayimu ye ì saŋakumboo baake le fo tili jamaa, bituŋ a baadiŋolu naata ka a sabarindi.

Yuuba 11:1

Bituŋ Sofari Naamankoo ye jaabiroo ke ko:

Yuuba 13:4

Alitolu ye ali la lombaliyaa dendendi faniyaa kumoolu le la. Ali ye ali faŋ ke jaaralilaa ti, ali te hani moo jaara noo la.

Yuuba 15:1

Bituŋ Elifasi Temaninkoo naata jaabiroo ke ko:

Yuuba 16:2

Ŋa ñiŋ siifaa jamaa le moyi. Ali ko, ali naata n sabarindi le, bari alitolu bee mu moo niitoorandilaa doroŋ ne ti.

Yuuba 16:20

N teeroolu ye n tooñee, n ñaajiitoo ye n ñaa tiliŋ Alla la ka m maakoyi.

Yuuba 18:1

Bilidadi Suhankoo ye jaabiroo ke ko:

Yuuba 19:19

N teeroolu bee jututa n na, n kanuntewolu yelemata n kaŋ jawuyaa siloo la.

Yuuba 19:21

Ali balafaa soto n ye, n teeroolu, ali balafaa soto n ye, kaatu Alla faŋo buloo le laata n kaŋ.

Yuuba 4:1

Bituŋ Elifasi Temaninkoo ye jaabiroo ke ko:

Yuuba 42:11

Bituŋ a baadinkewolu bee, aniŋ a baarimmusoolu, aniŋ mennu bee ye a loŋ nuŋ, naata a juubee. Ì niŋ a ye domoroo ke a la buŋo kono. Ì ye ì la balafaadaa yitandi a la, bituŋ ì ye a sabarindi mantoora kuwolu la, Yaawe ye mennu laa a kaŋ. Ì bee kiliŋ-kiliŋ naa ye kodiforo kuntoo dii a la, aniŋ sani konnaa.

Yuuba 42:7

Kabiriŋ Yaawe diyaamuta Yuuba ye, a naata a fo Elifasi Temaninkoo fanaa ye ko, “N kamfaata i kamma le, i niŋ i teeri fuloo, kaatu ali maŋ kuma fo m ma, meŋ mu tooñaa ti, ko n na dookuulaa Yuuba ye a ke ñaameŋ.

Yuuba 42:9

Bituŋ Elifasi Temaninkoo, Bilidadi Suhankoo, aniŋ Sofari Naamankoo taata, Yaawe ye meŋ fo ì ye, ì ye a ke. Bituŋ Yaawe naata Yuuba la duwaa muta.

Yuuba 6:14

Moo meŋ be niitooroo kono ka suula a teerimaalu la ŋaniya kendoolu le la. Niŋ wo nte, Alla Tallaa silaŋñaa semboo bee si baŋ a bala.

Yuuba 6:19

Tema juloolu ye jii sotodulaalu ñini, Seba taamalaalu ye jiki.

Yuuba 8:1

Bituŋ Bilidadi Suhankoo ye jaabiroo ke ko:

Kuma Kotoomaalu 17:17

I teeroo ka tara lafiriŋ i la le waati-wo-waati, aduŋ i niŋ i baadiŋo le ka deŋ niikuyaa la.

Kuma Kotoomaalu 18:24

Moo meŋ teeroo siyaata, a ka labaŋ kasaara la le, bari teeroo ka tara jee le, meŋ sutiyaata i la ka tambi i baadiŋo la.

Kuma Kotoomaalu 27:10

Kana i koo dii i teeroo la, aniŋ i faamaa teeroo, aduŋ i kana taa i kotoo la buŋo to, niŋ kooroo boyita i kaŋ. I siiñoo meŋ be i daala, wo le si i maakoyi noo tariyaake, ka tambi i kotoo la meŋ be jamfariŋ.

Yesaya 51:19

Ñiŋ maasiiboo fula-fula boyita i kaŋ ne, kooroo niŋ kasaaroo, konkoo niŋ hawusaroo*, Jumaa le be balafaa soto la i ye? Jumaa le be i sabarindi la?

Yeremiya 49:7

Ñiŋ kiilaariyaa kumoo le fota Edomu ma: Yaawe Alihawaa Maariyo ye ñiŋ ne fo ko: “Fo moo ñaamendiŋ maŋ tu Temani baŋ? Fo ñaameŋo yaamaroo kasaarata ì kono le baŋ? Fo ì la ñaameŋo yeemanta le baŋ?

Obadiya 1:9

Temani, i la kelejawaroolu bee le kija be bo la. Moo-wo-moo be Esawu konkotundoo kaŋ, ì bee le be faa la.” Yaawe le ye a fo.

Yohana 11:19

Bituŋ Yahuudi jamaa naata Marita niŋ Mariyaama yaa, ka ì sabarindi ì baarinkewo la saŋo la.

Roomankoolu 12:15

Ali seewoo moolu fee, mennu be seewooriŋ. Ali kumboo moolu fee, mennu be kumboo kaŋ.

1 Korintinkoolu 12:26

Niŋ suufu kiliŋo toorata, suufoolu bee niŋ a ka toora ñoo la le. Niŋ suufu kiliŋ horomata, suufoolu bee niŋ a ka seewoo le.

Hiburunkoolu 13:3

Ali i miira moolu la, mennu be bunjawoo kono ko niŋ ali niŋ ì be ñoo kaŋ jee le. Aduŋ ali si i miira moolu la, mennu be toora kuwolu kono ko niŋ ali niŋ ì be wo toora kiliŋo le kono.

Yosuwa 15:41

Kederoti, Beti-Dakoni, Naama, aniŋ Makeda. A taata kaañaŋ saatee baa taŋ niŋ wooro le fee, ì niŋ ì dandanna saateeriŋolu.