Yuuba 17:6 - Mandinka Bible

⁶ Alla ye n ke jelefeŋo le ti moo bee ye, moo meŋ, moolu ka daajiyo fayi a ñaadaa kaŋ.

Yuuba 17:6 Mawu Ofanana

1 Musa 31:27

Muŋ ne ye a tinna i borita kulloo kono, ka n neenee, i maŋ sara n na? Tennuŋ m be i bula la le i ye taa kontaanoo kono, ka i bondi niŋ denkiloo la, tambuuroolu aniŋ kontiŋolu.

1 Mansoolu 9:7

wo to m be Banisirayilankoolu buruka la bankoo kaŋ ne ŋa meŋ dii ì la, aduŋ m be n koo dii la ñiŋ buŋo la le, ŋa meŋ seneyandi n too ye. Bituŋ Banisirayilankoolu si ke jelefeŋo niŋ jutunna moolu ti moolu bee kono.

Yuuba 12:4

N keta jelefeŋo ti n teeroolu ye, Alla ye i danku nuŋ nte meŋ na kiliroo la. Nte moo tilindiŋo meŋ maŋ sootaari soto, nte le keta jelefeŋo ti teŋ.

Yuuba 17:2

Ñaawalilaalu ye n kuru, m faŋo ñaa le loota ì la jawuyaa kuwo kaŋ.

Yuuba 30:10

Ì jututa n na, ì ye ì koo dii n na, ì buka sila hani ka daajiyo fayi n kaŋ.

Yuuba 30:9

Saayiŋ wolu le diŋolu ka n teeliŋ denkiloolu la, ka tara n ñaawali kaŋ. Nte le naata ke ì fee jelefeŋo ti.

Jabuuroolu 44:14

I ye ǹ ke jelefeŋo le ti banku koteŋ moolu ye, sii koteŋolu ka ì kuŋo jiijaa ǹ ye.

Jabuuroolu 44:15

N ka tara dooyaa le kono. N na malu kuwo ka tara n ñaatiliŋo la luŋ-wo-luŋ,

Jabuuroolu 69:11

Tuma meŋ ŋa booto funtoolu duŋ ka n na niikuyaa yitandi, ì ye n ke jelefeŋo ti.

Yesaya 5:12

Kooraalu niŋ kontiŋolu ka tara ì la feeti dulaalu to le, tambuuroolu, footaŋolu aniŋ doloo, bari ì buka ì daa ke Alla la kuu to, ì maŋ horoma soto hani a la baara kuu kiliŋ ne to.

4 Musa 12:14

Bari Yaawe ko Musa ye le ko, “Fo niŋ a faamaa ye daajiyo tupi a ñaadaa kaŋ, fo a te a maloo kuwo taa la baŋ fo tili woorowula? A fintindi daakaa kono fo tili woorowula, wo koolaa a si naa muru naŋ.”