Yuuba 16:9 - Mandinka Bible

⁹ A ye n teleŋ-teleŋ ñoo bala kamfaa kono, a ye a jusoo kandindi n kamma, a ye a ñaa loo n kaŋ konnanteeyaa le kono.

Yuuba 16:9 Mawu Ofanana

Yuuba 13:24

Muŋ ne ye a tinna i ye i ñaa kaasi n na, i ye m muta ko i jawoo?

Yuuba 13:27

I ye n kada, wo ñaa-wo-ñaa ŋa simfaa-wo-simfaa taa i ka tara n koroosi kaŋ, hani n siŋ noolu i ka tara ì koroosi kaŋ ne.

Yuuba 18:4

Ite meŋ ye i faŋ toorandi i la kamfaa waatoo kono. Fo i la kuwo, wo le be a tinna la duniyaa be baŋ na, waraŋ bere konkoo ye wutu ka bo a noo to?

Yuuba 19:11

A ye a la kamfaa jindi n kaŋ, ka m muta ko a jawoo.

Yuuba 30:21

I yelemata n ye jawuyaa daa to, i ye i buloo laa n kaŋ ka n toorandi niŋ i semboo bee la.

Yuuba 33:10

I ko, hani wo bee Alla ye siloo soto ka boyidaa je i la karoo la, a ye i muta ko a jawoo.

Yuuba 6:4

Alla Tallaa ye m buŋ a la kalabeñoolu le la. Ì kunoo dunta n jaatoo kono. Alla ye silaŋ kuwolu le randi n kamma.

Jabuuroolu 35:16

Ì la ñaawaliroo jawuyaata le ko Alla sookilaalu. Ì kamfaatoo ka i ñimmakiŋ n kamma le.

Jabuuroolu 37:12

Moo jawoo ka feeroo siti moo tilindiŋo kamma le, fo a ka i ñimmakiŋ a kamma.

Jabuuroolu 50:22

“Wo to, alitolu mennu ka ali ñaa kaasi Alla la, ali ali hakilitu ñiŋ to, niŋ wo nte n si ali faraŋ-faraŋ ko jatoo, aduŋ moo te ali tankandi noo la.

Niikuyaa Suukuwolu 2:16

“Ŋà a kasaara le!” I jawoolu ka wo le fo. Ì bee ka ì daa loo i kaŋ. Ì ka i ciipu, ka ì ñiŋolu jaa i kaŋ, ka wuuri i ma ko, “Allaŋ, ǹ ka ñiŋ luŋo le batu nuŋ! A futata le, ŋà a je!”

Niikuyaa Suukuwolu 3:10

Daafeŋ saŋarariŋo*, a bitita n ye wo le ti, ko niŋ jatoo bitita, waraŋ soloo.

Hoseya 5:14

M be ke la Efurayimu ye le ko jatoo, ŋa ke Yahuuda ye ko jata mereŋo. Nte faŋo le be ì faraŋ-faraŋ na, n si ì kuruntu, ŋa taa n na siloo la, moo te ì kanandi noo la.

Hoseya 6:1

Moolu ko, “Ali naa, ŋà muru Yaawe* kaŋ, ate le ye ǹ dimindi, a be ǹ jaara la le. Ate le ye m̀ barama, a be ǹ kendeyandi la le.

Mika 7:8

Jawoolu, ali kana kontaani ka ǹ je bataa kono. M̀ boyita ñaa-wo-ñaa piram, m̀ be wuli la le kotenke. M̀ be diboo kono ñaa-wo-ñaa, Yaawe le be ke la ǹ ye maloo ti.

Kiilaalu 7:54

Kabiriŋ ì ye ñiŋ kumoolu moyi, ì jusoo bota. Bituŋ ì kamfaatoo ye i ñimmakiŋ.