Yuuba 15:12 - Mandinka Bible

¹² Bari i hakiloo le ye i jamfaa. Muŋ ne ye a tinna i be i ñaa kuyaa la?

Yuuba 15:12 Mawu Ofanana

Yuuba 11:13

Yuuba, i sondomoo bee loo Alla kaŋ, i ye i buloo laa a ye.

Yuuba 15:13

Muŋ ne ye a tinna i be kamfaa la Alla kamma, ka ñiŋ kuma siifaalu bondi i daa kono?

Yuuba 17:2

Ñaawalilaalu ye n kuru, m faŋo ñaa le loota ì la jawuyaa kuwo kaŋ.

Yuuba 36:13

Moolu mennu maŋ dankeneyaa Alla la ka tu jusuboo le kono. Hani niŋ Alla ye jarabi kuwo laa ì kaŋ, ì buka deemaaroo ñini a bulu.

Jabuuroolu 35:19

Kana soŋ n jawoolu ye jele n na. Ì mu n jawoolu le ti, daliila te a la. Kana soŋ n konnantewolu ye ì ñaalu kati ñoo ye n na kuwo la.

Kuma Kotoomaalu 6:13

ì ka ì ñaalu kati moolu ye le, ì ka taamanseeroo ke niŋ ì siŋolu la, aniŋ ka ì bulukondiŋolu tiliŋ moolu la.

Kawandilaa 11:9

Ite keendiŋo, i faŋ seewondi, i la fondinkeeyaa waatoo la. I hakiloo kali i samba niiseewoo kuwo kaŋ, i la fondinkeeyaa tiloolu la. Bula i niidiyaa nooma, aniŋ i ñaabo feŋolu. Bari i si ñiŋ loŋ ko, Alla be i kontibo la kuwolu bee le la, i ye mennu ke.

Kiilaalu 8:22

Wo kamma la, tuubi i la ñiŋ kuruŋyaa la. I si duwaa ka Alla daani, fo a si yamfa i la sondome miira jawoo la.