Yuuba 15:11 - Mandinka Bible

¹¹ Fo ñiŋ maŋ kaañaŋ i fee baŋ, Alla faŋo ye naa ka i jusoo ñabu? Ntolu tarata diyaamu kaŋ i ye mooyaa kono niŋ ate le tooyaa la.

Yuuba 15:11 Mawu Ofanana

1 Mansoolu 22:24

Bituŋ wo le to Sedekiya, Kenaana dinkewo naata a ye Mikaya busa a tamoo to. A ko a ye ko, “Yaawe la Nooroo bota nte kono ñaadii le ka diyaamu niŋ ite la?”

Yuuba 13:2

Ali ye meŋ loŋ, m fanaa ye wo le loŋ, aduŋ ali maŋ fisiyaa n ti.

Yuuba 15:8

Fo i nene maabeeta Alla la beŋo to le baŋ? Fo ñaameŋo kuwo danta ite doroŋ ne la baŋ?

Yuuba 23:12

N nene maŋ a la yaamaroolu soosoo dooto. A fokumoolu, wolu le be m bulu.

Yuuba 36:15

Ate Alla le ka bataa laa moo kaŋ ka ke a ye kawandi ti, a ye naa a ñaa yelendi ka bo niŋ niitoora kuwo la, fo a si tankoo soto.

Yuuba 36:16

Ate le ye i bondi niitooroo kono, a ye i samba dulaa kekuuriŋo to, niifitii te daameŋ. Domori diimaalu tarata fatafatariŋ i la taabuloo kaŋ.

Yuuba 6:10

Wo le be ke la nte la dahaa ti. N si podiŋ-podiŋ seewoo kamma la, m be dimi jawoo kono ñaa-wo-ñaa, kaatu m maŋ Mansa Senuŋo la yaamaroolu soosoo.

Jabuuroolu 77:3

Niŋ ŋa m miira Alla la, n ka kumboo le, niŋ ŋa n hakiloo duŋ, n ka jikilateyi le. S

2 Korintinkoolu 7:6

Bari Alla meŋ ka moo niitoorariŋolu sabarindi, ate le ye ǹ sabarindi niŋ Titus la naa la.