Yuuba 14:12 - Mandinka Bible

¹² hadamadiŋo la kuwo misaaloo be teŋ ne. Niŋ a faata, a te wuli la hani niŋ saŋ fatoolu bee yeemanta, a te wuli la saayaa kono kotenke.

Yuuba 14:12 Mawu Ofanana

Yuuba 3:13

Niŋ wo nte nuŋ, m be tara la laariŋ ne, m be deyiriŋ, m be tara la siinoo le la, aduŋ m be tara la dahaa le kono.

Yuuba 30:23

Ŋa a loŋ ne ko, i be n samba kaŋ naŋ saayaa le kaŋ, dulaa, niilamaa bee be labaŋ na daameŋ.

Yuuba 7:21

Muŋ ne ye a tinna i maŋ kafari ke n ye, i ye yamfa n na junube kuwolu la? A te mee la, m be tara la laariŋ kaburoo kono. I si n na kuu juubee, bari n te tara la keriŋ.

Yuuba 7:9

Ko tawaloo ka janjaŋ ñaameŋ, a ye yeemaŋ, moolu fanaalu mennu ka taa fureeduu, ì buka muru naŋ kotenke wo le ñaama.

Jabuuroolu 102:26

Ì be buruka la le, bari ite be tu la keriŋ ne. Ì bee le be kotoo la ko funtoo, ko duŋ feŋo, i ye ì faliŋ, ì ye yeemaŋ.

Jabuuroolu 90:5

I ka hadamadiŋolu koora le, i ye ì tambindi komeŋ siiboo. Ì ka munta le ñaamoo meŋ falinta soomandaa,

Kawandilaa 11:8

Hani meŋ siimaayaata, a ñanta seewoo la a baluu saŋolu bee kono le. Bari a si ñiŋ kalamuta ko, diboo luŋolu, wo siyaata le. Feŋ-wo-feŋ be naa, a maŋ ke feŋ ne ti.

Kawandilaa 12:5

I hakiloo ye bula a la, janniŋ waatoo ka sii, waatoo meŋ, moo ka sila seloo la, aduŋ siloo kaŋ fanaa, sondome silaŋ kuwolu le be tara la jee, waatoo meŋ, alimondi* yiroo be tara la faariŋ firoolu la, jatatoŋo be kuruntu la, hame kuwolu bee si yomfa. Hadamadiŋo fele, a ka taa a la suu labaŋo to, saŋakumboolaalu ye tara mbeedoolu kaŋ taariŋ.

Yesaya 26:19

Hee Yaawe, i la furewolu ye wuli, n na moo faariŋolu ye wuli. Yaawe, i la komboo meŋ ka baluwo dii, a ye feenee bankoo kaŋ, ì ye furewolu baadee daameŋ. Alitolu mennu be laariŋ bankoo kono, ali wuli, ali ye suukuwo laa seewoo kono.

Yesaya 51:6

Ali saŋ fatoolu koroosi, ali ye bankoo juubee, saŋ fatoolu be yeemaŋ na le ko siisiyo, bankoo ye naa tiñaa ko funtoo, a moolu ye faa ko siyolu. Bari n na kiisoo be tu la le fo abadaa, aduŋ n na tiliŋo te boyi la muumeeke.

Yesaya 65:17

“A juubee, m be saŋ kutoo niŋ banku kutoo le daa la. Hakili te bula la folooto kuwolu la, sako moo ka i miira ì la.

Yesaya 66:22

A ko: “M be saŋ kutoo niŋ banku kutoo meŋ daa la, be tu la n ñaatiliŋo la ñaameŋ, ali too niŋ ali koomalankoolu be tu la ali ye wo le ñaama.”

Daniyeli 12:2

Moo jamaa, mennu faata nuŋ, ì ye ì baadee, be wuli la le, ì ye baluu kotenke. Doolu be badaa-badaa baluwo le soto la, aduŋ doolu be tara la maloo niŋ halakoo le kono fo abadaa.

Matiyu 24:35

Saŋo niŋ bankoo be yeemaŋ na le, bari nte la kumoolu te yeemaŋ na muk.

Kiilaalu 3:21

A ñanta tu la Arijana kono le, fo niŋ Alla ye feŋolu bee kutayandi jaŋ, ko a ye a fo nuŋ ñaameŋ ka bo niŋ a la annabiyomu senuŋolu la.

Roomankoolu 8:20

kaatu daaroo dunta nafantaŋyaa le kono. Wo maŋ ke a faŋo la lafoo ti, bari Alla le la lafoo mu, meŋ ye a dundi jee. Bari daaroo la jikoo mu ñiŋ ne ti ko,

Efesusinkoolu 5:14

aduŋ feŋ-wo-feŋ meŋ jeta maloo kono, wo fanaa keta maloo le ti. Wo kamma la, a fota le ko: “Ite siinoolaa, kuniŋ i ye wuli saayaa kono, aduŋ Kiristu be a la maloo mala la i kaŋ ne.”

2 Pita 3:7

Bari saŋ fatoolu niŋ ñiŋ duniyaa, mennu be sotoriŋ saayiŋ, ì be sotoriŋ Alla la wo yaamari kiliŋo le kaŋ, fo ì si kasaara dimbaa la. Ì be tara la keriŋ ne fo kiitiiluŋo la, aniŋ allantaŋolu la kasaara luŋo.

Lankenemoo 20:11

Bituŋ ŋa mansasiiraŋ koyiriŋ baa je, aduŋ saŋo niŋ bankoo yeemanta wo ñaa la, meŋ be siiriŋ a kaŋ. Dulaa maŋ soto ì ye kotenke.

Lankenemoo 21:1

Bituŋ ŋa saŋ kutoo niŋ banku kutoo je, kaatu saŋ foloo niŋ banku foloo yeemanta le, aduŋ fankaasi maŋ tara sotoriŋ.