Yuuba 12:5 - Mandinka Bible

⁵ Moolu mennu ka tara dahaa kono, ka jutu moo fala kuyaariŋo la le. Moo meŋ be naa duŋ na bataa kuwo kono, ì ka a dundi kuu a kono le.

Yuuba 12:5 Mawu Ofanana

Yuuba 12:4

N keta jelefeŋo ti n teeroolu ye, Alla ye i danku nuŋ nte meŋ na kiliroo la. Nte moo tilindiŋo meŋ maŋ sootaari soto, nte le keta jelefeŋo ti teŋ.

Yuuba 12:6

Suŋolu yaa ka tara sumayaariŋ ne, aduŋ Alla sookilaalu fanaa ka tara tankoo kono le. Ì ka tara jikiriŋ ì fansuŋ semboo le la ko i la Alla.

Yuuba 16:4

Meŋ be laariŋ n kaŋ, niŋ a be laariŋ alitolu le kaŋ, ali ka diyaamu teŋ ñaameŋ, m fanaa si diyaamu noo wo ñaama le. N si kumoolu tembendi noo le, ka ì fo ali ma, ŋa n kuŋo fitifiti ali ye.

Yuuba 18:5

Tooñaa-tooñaa, moo kuruŋolu la maloo dubenta le, aduŋ ì la dimbaa te mala la.

Yuuba 6:5

Fo fali dalibaloo ka kuma le baŋ, niŋ a ye ñaamoo soto a ñaama, waraŋ fo ninsi senelaa ka kuma le baŋ, niŋ a ye domoroo soto a ñaama?

Jabuuroolu 17:5

N ka tu i la taaraŋ siloo le kaŋ, m buka i la siloo lamfee.

Jabuuroolu 94:18

N kumata le ko, nte boyitoo le mu. Bari Yaawe, i la kanu bambaloo kaŋ, i ye i buloo duŋ n koto le.

Kuma Kotoomaalu 13:9

Moo tilindiŋo ka mala le ko tiloo, bari moo jawoo la lampoo be dubeŋ na le.

Kuma Kotoomaalu 20:20

Niŋ i ye i baa niŋ i faa neŋ, i la lampoo be dubeŋ na le.

Yeremiya 13:16

Ali horomoo dii Yaawe ali la Alla la, janniŋ a be diboo dundi la ali ma, ali siŋolu kali taki konko dibiriŋolu kaŋ. Tuma meŋ na ali be tara la mala ñiniŋo la, a be dibi fiŋo le naati la ali ye, a ye a ke ali ye dibi baa ti.

Matiyu 25:8

Bituŋ toolewolu ko ñaamendiŋolu ye ko, ‘Ali ǹ so ali la tuloo doo la, kaatu ǹ na lampoolu be faa kaŋ ne.’

Luka 12:19

Bituŋ ŋa a fo n niyo ye ko, “I dahaa, i ye siimaŋ jamaa le soto saayiŋ ka ì maabo fo sanji jamaa. Domoroo niŋ miŋo ke seewoo kono.” ’

5 Musa 32:35

Julujoo mu Yaawe le taa ti, a be ì joo la a ñaama le, ì be boyi la a waatoo la le, a te mee la, mantooroo be jii la ì kaŋ, maasiiboo be ì moonee la le.