Yuuba 11:8 - Mandinka Bible

⁸ Alla la ñaameŋo le jamfata ka tambi saŋ fatoolu la, ite si muŋ ne ke noo? A la ñaameŋo le fanuta ka tambi laakira la, ite ye muŋ ne loŋ?

Yuuba 11:8 Mawu Ofanana

2 Taarika 6:18

“Bari fo tooñaa, Alla si tara noo sabatiriŋ hadamadiŋolu kono duniyaa kono baŋ? Hani saŋ fatoolu daŋo to, ite te kuŋ na wo to, sako ñiŋ buŋo, nte ŋa meŋ loo.

Yuuba 11:9

Alla la waroo le tambita duniyaa la, ate le fanuta baajiyo ti.

Yuuba 22:12

Fo Alla maŋ tara Arijana kono baŋ? Looloolu juubee doroŋ, ì jamfabaata santo ñaameŋ!

Yuuba 26:6

Laakira be lankenemayaariŋ Alla ñaa koto le, kumpa te a ye laakira la kuwo to.

Yuuba 35:5

Saŋo santo juubee, i ye jeroo ke, minaayoolu juubee mennu be i kunto.

Yuuba 37:23

Moo le buka futa noo Alla Tallaa dulaa ma. A semboo warata le, aniŋ a la tiliŋo. A tilinta le pet, aduŋ a buka jenke.

Yuuba 38:17

I nene ka laakira dundaŋ daa je le baŋ, daameŋ ka tara dibiriŋ ne fo fawu?

Yuuba 7:9

Ko tawaloo ka janjaŋ ñaameŋ, a ye yeemaŋ, moolu fanaalu mennu ka taa fureeduu, ì buka muru naŋ kotenke wo le ñaama.

Jabuuroolu 103:11

Saŋ fatoolu be warariŋ santo bankoo kunto ñaameŋ, a la kanu bambaloo be warariŋ moolu ye wo le ñaama, mennu ye a kuliyaa.

Jabuuroolu 148:13

Daaroo bee, ali Yaawe jayi a too la, kaatu a too le warata doo koteŋolu bee ti. A la kallankeeyaa* le tambita feŋo bee la, biriŋ bankoo kaŋ fo saŋo ye santo la.

Jabuuroolu 36:6

I la kiitiyolu be looriŋ tooñaa le kaŋ, ì bambanta le ko konkoolu, ì diinonta ko fankaasoo. Hee Yaawe, hadamadiŋolu bee la tankoo be ite le bulu, aniŋ daafeŋolu.

Kuma Kotoomaalu 30:4

Jumaa le taata fo Arijana, a muruta naŋ? Jumaa le nene ye foñoo muta noo a buloo kono? Jumaa le ye jiyo fudi noo a la dendikoo kono? Jumaa le ye duniyaa tonkoŋ naanoo bee loo? A too ndii, aniŋ a dinkewo fanaa too ndii? A fo n ye, niŋ i ye a loŋ!

Yesaya 55:9

Ko saŋ fatoo be jamfariŋ bankoo la ñaameŋ, n taañaalu be jamfariŋ ali taañaalu la wo le ñaama, n na miiroolu niŋ ali la miiroolu fanaa fatata wo le ñaama.

Amosi 9:2

Hani niŋ ì ye dinkoo le siŋ fo laakira, n si ì fintindi naŋ a kono. Hani niŋ ì seleta le fo saŋ fatoo to, n si ì jindi naŋ duuma.