Yuuba 11:6 - Mandinka Bible

⁶ A ye ñaameŋo kulloolu lankenemayandi i ye, kaawakuu baalu, hadamadiŋo buka mennu fahaamu noo. I be a loŋ na wo le to ko, Alla ye ñiŋ jaraboo meŋ laa i kaŋ, wo mu domandiŋo le ti, niŋ i ye a niŋ baara kuwo laa, i ye meŋ ke.

Yuuba 11:6 Mawu Ofanana

Esira 9:13

Saayiŋ meŋ bee keta ǹ na, ǹ na junuboolu le ye a saabu, aniŋ ǹ na boyi baa. Bari kuluuroo meŋ keta ǹ na, wo dasabaata le meŋ ñanta ke la ǹ na. Kaatu ite, ǹ na Alla, ye moo toomaalu tu ǹ kono le.

Yuuba 11:5

Saayiŋ Alla faŋo si naa a daa yele, a ye diyaamu i ye.

Yuuba 12:13

Bari ñaameŋo niŋ semboo be Alla le bulu, ate le mu yaamaroo diilaa ti, aniŋ fahaamuroo.

Yuuba 15:11

Fo ñiŋ maŋ kaañaŋ i fee baŋ, Alla faŋo ye naa ka i jusoo ñabu? Ntolu tarata diyaamu kaŋ i ye mooyaa kono niŋ ate le tooyaa la.

Yuuba 15:5

I maŋ tara sila tilindiŋo kaŋ, wo le ye a tinna i ka diyaamu teŋ. Bituŋ i ka a dendendi niŋ feere kumoolu la.

Yuuba 15:8

Fo i nene maabeeta Alla la beŋo to le baŋ? Fo ñaameŋo kuwo danta ite doroŋ ne la baŋ?

Yuuba 22:5

Hanii, i la kuu kuruŋolu le siyaajawuta, aduŋ i la junube kuwolu maŋ dandulaa soto.

Yuuba 28:28

Bituŋ a naata a fo hadamadiŋolu ye ko, “Tooñaa-tooñaa, nte Maariyo ñaasilaŋo, wo le mu ñaameŋo ti, aniŋ ka fata kuu jawu kewo ma, wo le mu fahaamuroo ti.”

Yuuba 33:12

Bari m be a fo la i ye ko, i maŋ tooñaa fo i la ñiŋ kumoo foo to. Alla le warata ka tambi hadamadiŋo la.

Yuuba 9:4

Alla le mu sembetiyo ti, aniŋ ñaameŋo. Jumaa le nene ka balaŋ a ma, a ye a maarii wati?

Jabuuroolu 103:10

A buka ǹ sanka ko a ñanta ñaameŋ, hani wo a ka ǹ jarabi ǹ na junuboolu kaŋ ne, aniŋ ǹ na hakoolu.

Jabuuroolu 25:14

Moolu mennu ye Yaawe kuliyaa, wolu le mu a la jiki moolu ti, aduŋ a ka a la kambeŋo koyindi ì ma le.

Niikuyaa Suukuwolu 3:22

Yaawe la kanu bambaloo nene maŋ kuntu ǹ ye, a la konotodiyaa kuwolu nene buka baŋ.

Daniyeli 2:28

Bari Alla sotota le, meŋ ka kulloolu lankenemayandi, aduŋ a ye a yitandi ite Mansa la le, kuwolu mennu be ke la labandulaa to. Saayiŋ, m be siiboo ñiŋ fo la i ye le, i ye jeroo meŋ ke, kabiriŋ i be siinoo la.

Daniyeli 2:47

Mansa ko Daniyeli ye ko, “Tooñaa, i la Alla le warata alla koteŋolu bee ti, aduŋ ate le mu mansoolu Maarii ti, meŋ ka kulloolu lankenemayandi. Wo le ye a tinna i ye ñiŋ kulloo kotoo fo noo.”

Matiyu 13:35

Ñiŋ keta le ka annabiyomoo la kumoo timmandi ko: “M be diyaamu la niŋ mansaaloolu le la. M be kuwolu le bankee la, mennu be maaboriŋ, kabiriŋ duniyaa daa waatoo la.”

Efesusinkoolu 3:5

Jamaanoo doolu mennu tambita, wolu maŋ a loŋ koyirinke, a naata lankenema saayiŋ ñaameŋ a la kiilaa senuŋolu niŋ kiilaariyaa kumafolaalu ye, ka bo niŋ Noora Kuliŋo la.

5 Musa 29:29

Yaawe ǹ na Alla ye kuwo doolu tu kulloo le to, wolu mu a taa le ti, bari a la luwaalu, a ye wolu bo ǹ ye ñoo to le, wolu mu ǹ taa le ti, fo ǹ niŋ ǹ koomalankoolu si taama ì la ǹ na baluwo bee la.