Yuuba 10:9 - Mandinka Bible

⁹ A loŋ ko, ite le ye n daa komeŋ potoo kitiŋo. Saayiŋ, fo i be m murundi la bankumunkoo ti le baŋ?

Yuuba 10:9 Mawu Ofanana

1 Musa 2:7

Bituŋ Yaawe Alla naata bankumunkoo doo taa, a ye Adama daa a la. A ye baluwo niijii foñoo fee a nuŋ huwolu kono. Bituŋ Adama ye a dati ka baluu.

1 Musa 3:19

I be kali la tara la le foloo, janniŋ i be feŋ soto la ka a domo, fo janniŋ i be seyi la ka ke bankoo ti kotenke, i daata meŋ na. I daata bankumunkoo le la, aduŋ i be labaŋ na ke la bankumunkoo le ti.”

Yuuba 10:10

Ite le ye n woyi ko keekewo, i ye n simbindi ko feenewo.

Yuuba 17:14

M be kaburu dinkoo le kumandi la m faa ti, ŋa tumboolu kumandi m baa ti, aniŋ m baarimmusoolu.

Yuuba 33:6

Nte niŋ ite bee mu kiliŋo le ti Alla ñaa koto, m fanaa daata niŋ potoo le la.

Yuuba 34:15

moo bee ye kasaara ñoo la, aduŋ ì si naa seyi ka ke bankumunkoo ti.

Yuuba 4:19

Wo to i ye a miira, a si laa hadamadiŋo la, meŋ daata potoo la, meŋ daata ka bo bankoo bala, meŋ faa be sooneeyaariŋ ko tumboo?

Yuuba 7:21

Muŋ ne ye a tinna i maŋ kafari ke n ye, i ye yamfa n na junube kuwolu la? A te mee la, m be tara la laariŋ kaburoo kono. I si n na kuu juubee, bari n te tara la keriŋ.

Yuuba 7:7

Alla, i hakiloo bulandi ko, nte la baluwo la sutiyaa be le ko niijiyo niŋ niiseloo teema. N te kuu betoo loŋ na kotenke.

Jabuuroolu 103:14

A ye a loŋ ne ǹ daata ñaameŋ, a ye a loŋ ne ko ntolu mu bankumunkoo le ti.

Jabuuroolu 104:29

Niŋ i ye i ñaa kaasi ì la, ì ka jikilateyi le. Niŋ i ye i la baluwo niijii foñoo taa, ì ka faa le, ì ye muru ka ke bankumunkoo ti.

Jabuuroolu 106:4

Hee Yaawe, i hakiloo ye bula n na niŋ i be konotodiyaa yitandi la i la moolu la. I la deemaaroo futandi m ma niŋ i be ì tankandi la.

Jabuuroolu 22:15

M fankoo suusuuta le ka jaa, a keta le komeŋ fenkeŋ teleŋo, aduŋ n neŋo karata n naaliŋo bala. I ye n tu laariŋ saayaa daa le to, buutoo kono.

Jabuuroolu 25:18

I miira n na mantooroo niŋ n na ŋayiboo la, i ye yamfa n na junuboolu bee la.

Jabuuroolu 78:39

Kaatu a ye a loŋ ne ko ì mu hadamadiŋolu doroŋ ne ti, ì munta le ko foñoo meŋ ka fee, a ye tambi, a te muru la naŋ fereŋ.

Jabuuroolu 89:47

I hakiloo ye bula nte la baluwo loo la sutiyaa la. Fo i ye hadamadiŋo daa kensenke le baŋ, ka faa doroŋ?

Jabuuroolu 90:3

I la yaamaroo kaŋ hadamadiŋolu ka muru le ka ke bankumunkoo ti. I ka ì yelemandi wo le ti, ì bota meŋ bala.

Kawandilaa 12:7

bankumunkoo be muru la bankoo kaŋ, a bota meŋ bala, niyo be muru la Alla kaŋ, meŋ ye a dii.

Yesaya 45:9

Kooroo boyita moo kaŋ ne, meŋ niŋ a Daamansoo ka sonka. A maarii maŋ ke feŋ ti, fo daa telendaŋolu mennu be fayiriŋ bankoo to. Fo boo ka a fo boodaalaa ye le ko, “I ka muŋ ne daa?” waraŋ, “A maŋ dadaa kuu”?

Yesaya 64:7

Moo buka i too kumandi waraŋ ka a fo i ye a maakoyi, kaatu i ye i koo dii ǹ na le. I ye m̀ bula fo ǹ na junuboolu ye ǹ kasaara.

Yesaya 64:8

Bari Yaawe*, ite le mu m̀ Faamaa ti. Ǹ ka munta le ko potoo, aduŋ ite le mu boodaalaa ti, i buloolu le ye ntolu bee daa.

Yeremiya 18:6

“Muna alitolu Banisirayilankoolu, fo nte te wo ke noo la ali la baŋ, ko boodaalaa ka a ke ñaameŋ? A juubee, ko boo ka tara boodaalaa bulu ñaameŋ, ali be m bulu wo le ñaama, alitolu Banisirayilankoolu. Nte Yaawe le ye a fo.

Roomankoolu 9:21

Fo boodaalaa maŋ siloo soto ka keraŋo daa ŋaañaaraŋo ti, a ye doo daa ñaamafayiraŋo ti, wo potoomondo kiliŋo la?

2 Korintinkoolu 4:7

Aduŋ ŋà ñiŋ naafuloo soto keraŋo le kono, meŋ dadaata potoo la ka a yitandi ko, ñiŋ sembe baa bota Alla faŋo le bulu, a maŋ ke ntolu ti.