Yuuba 10:3 - Mandinka Bible

³ Nte batandoo ye muŋ nafaa le soto ite ye? Muŋ ne ye a tinna i be balaŋ na feŋo to, ite faŋo ye meŋ daa? Muŋ ne ye a tinna, i be kuruŋolu bula la, ì la feere kuwolu be ñaatotaa soto la?

Yuuba 10:3 Mawu Ofanana

Yuuba 10:8

Ite faŋo le ye nte daa, ite le ye m muluŋo ke n na, saayiŋ, ite le fanaa naata n kasaara.

Yuuba 14:15

I be n kumandi la le, aduŋ m be n danku la i ma le. N na kuwo be naa i meeyaa la le, ite meŋ ye n daa.

Yuuba 15:13

Muŋ ne ye a tinna i be kamfaa la Alla kamma, ka ñiŋ kuma siifaalu bondi i daa kono?

Yuuba 16:11

Alla ye nte duŋ moo jawoolu le bulu, a ye n duŋ moo kuruŋolu la maroo koto.

Yuuba 19:6

Fo ali maŋ ñiŋ loŋ ko, Alla faŋo le ye ñiŋ laa nte kaŋ? Ate faŋo le ye a la jaloo miniŋ n na.

Yuuba 21:16

Ñiŋ moo kuruŋolu ye ñiŋ ne muta ko, ì la firiŋo be ì faŋo le bulu, bari nte maŋ haaji soto wo miira siifaa to.

Yuuba 22:18

Bari hani wo bee, ate Alla le ye ì la buŋolu kono fandi neemafeŋolu la. Moo kuruŋolu la feeroolu, nte niŋ wolu teemoo jamfata ñoo la le.

Yuuba 27:2

A be koyiriŋ ñaameŋ ko Alla be baluuriŋ ne, ate le maŋ n na kuwo tooñaa londi, aduŋ ate le ye n niyo kuyandi, bari m be n kali la ñiŋ na ko:

Yuuba 30:21

I yelemata n ye jawuyaa daa to, i ye i buloo laa n kaŋ ka n toorandi niŋ i semboo bee la.

Yuuba 31:15

Fo ate Alla meŋ ye n daa m baamaa wuluuñaŋo kono, ate le maŋ itolu fanaa daa baŋ? Fo ate le maŋ m̀ bee daa daariñaa kiliŋo la m̀ baamaañolu kono?

Yuuba 33:4

Alla Tallaa la Nooroo le ye n daa, a ye niyo meŋ duŋ n kono, wo le ye baluwo dii n na.

Yuuba 40:2

“I niŋ nte Alla Tallaa le be ñoo saba la baŋ? I lafita n soosoo la le baŋ? Wo to n jaabi.”

Yuuba 40:8

Ite si a fo noo baŋ, nte maŋ tiliŋ, i be nte le jalayi la baŋ, ka i faŋo la kuwo tooñaayandi?

Yuuba 8:20

Alla te balaŋ na moo to, meŋ maŋ sootaari soto, aduŋ a te kuu jawu kelaalu so la semboo la.

Yuuba 9:22

A bee mu kiliŋo le ti, wo le ye a tinna ñiŋ kumakaŋo bota n daa ko, “Alla ka moo tilindiŋolu niŋ moo kuruŋolu bee le kasaara.”

Yuuba 9:24

Alla ye duniyaa duŋ moo kuruŋolu le bulu. A ye kiitiikuntulaalu bee ñaalu finkindi. Niŋ Alla maŋ a ke, jumaa le ye a ke?

Jabuuroolu 100:3

Ali soŋ ko Yaawe le mu Alla ti. Ate le ye ǹ daa, aduŋ a taa le mu ǹ ti. M̀ mu a la moolu le ti, a ka mennu topatoo komeŋ saajii koorewo.

Jabuuroolu 138:8

Hee Yaawe, i be i la natoolu timmandi la n ye le. Yaawe, i la kanu bambaloo be tu la le fo abadaa. Kana i buloo bo dookuwo to i ye meŋ dati.

Jabuuroolu 69:33

Yaawe ka i lamoyi moolu la le mennu be sotobaliyaa daa to, aduŋ a buka a ñaa kaasi a la moolu la, mennu be mutoo kono.

Yesaya 64:8

Bari Yaawe*, ite le mu m̀ Faamaa ti. Ǹ ka munta le ko potoo, aduŋ ite le mu boodaalaa ti, i buloolu le ye ntolu bee daa.

1 Pita 4:19

Wo to, moolu mennu ka toora Alla la lafoo kaŋ, ì si tu baara betoo kaŋ, ì ye ì niyolu karafa ì Daamansoo la, meŋ foroyaata.