Yuuba 10:13 - Mandinka Bible

¹³ Bari ñiŋ kuwolu tarata maaboriŋ i kono le, aduŋ ŋa a loŋ ne ko, wo waatoo bee la ñiŋ ne be i hamoo to:

Yuuba 10:13 Mawu Ofanana

Yuuba 10:14

I tarata n koroosi kaŋ ne, fo m be junube kuu ke la, niŋ i ye wo je, i te yamfa la n na junube kuwo la.

Yuuba 23:13

Bari ate dammaa le be looriŋ a faŋ ye, jumaa le si a la feeroolu yelemandi noo? Meŋ diyaata ate ye, a ka wo le ke.

Yuuba 23:14

A ye meŋ safee n kunto, fo a ye wo baŋ, aduŋ wo kuu siifaa jamaa le be a kono.

Yuuba 23:9

Niŋ a be dookuwo la maraa kara maafaŋo la, m buka a je, niŋ a sawunta bulubaa kara maafaŋo fanaa la, m buka hani a kuntutoo faŋo le je.

Yesaya 45:15

Hee Alla Banisirayila Kiisandirilaa, tooñaa, ite mu Alla le ti, meŋ buka a faŋo yitandi.

Yesaya 45:7

Nte le ye maloo naati, ŋa diboo daa, nte le ye kayiroo naati, ŋa maasiiboo saabu. Nte Yaawe le ka ñiŋ kuwolu bee ke.

Niikuyaa Suukuwolu 3:37

Niŋ a maŋ ke Maariyo la keroo ti, jumaa le si kumakaŋo dii, a ye ke?

Roomankoolu 11:33

“Tooñaa, Alla la fankoo warata le, a la ñaameŋo niŋ londoo! Moo buka a la kiitiyolu kisikisi noo, a la siloolu buka loŋ noo.”

Efesusinkoolu 3:11

Ñiŋ keta badaa-badaa daliiloo le kaŋ, a ye meŋ timmandi ka bo niŋ m̀ Maarii Kiristu Yeesu la.

5 Musa 32:39

Fo ali maŋ ñiŋ je ko, nte le mu Alla ti, Alla koteŋ te keriŋ nte koolaa? Nte le ka moo faa, nte le ka moo balundi, nte le ka moo barama, nte le ka moo kendeyandi. Baayiñaa te nte la keroo la.