Yunusa 2:8 - Mandinka Bible

⁸ Moolu mennu ka jalaŋ nafantaŋolu batu, wolu ye ì koo dii hiinoo la le, meŋ ñanta ke la ì taa ti.

Yunusa 2:8 Mawu Ofanana

2 Mansoolu 17:15

Ì balanta ka a la luwaalu muta, kambeŋo meŋ a ye a siti a niŋ ì mumuñolu teema, aniŋ a ye dandalaaroolu mennu dii ì la. Ì ye jalaŋ kenseŋolu le batu, ì faŋolu naata ke moo kenseŋolu ti. Ì bulata bankoo moolu nooma mennu tarata ì dandaŋo la, Yaawe ye ì yaamari mennu la kuwo la ko, ì kana baara kuwolu la, wolu ka baara mennu la.

Jabuuroolu 142:4

Ŋa m bulubaa karoo la juubee le ka koroosiroo ke, bari moo maŋ n kalamuta. Tankadulaa te n ye, moo maŋ n hati.

Jabuuroolu 31:6

Ŋa moolu koŋ ne, mennu ka jalaŋ kenseŋolu batu, aduŋ n dankeneyaata Yaawe la le.

Jabuuroolu 69:14

N tanka n kana tuuneŋ potoo mereŋo kono. N tanka n jawoolu ma, aniŋ jii diinondiŋo kono.

Yeremiya 10:8

Ì bee mu hakilintaŋolu niŋ toolewolu le ti, wo jalaŋ fuuriŋolu la karandiroo, yiri kenseŋo!

Yeremiya 16:19

Hee Yaawe, ite le mu n jikiraŋ semboo ti, aniŋ n na tata bambandiŋo, i mu n tuukuraŋo ti mantooroo waatoo kono. Banku koteŋ moolu be naa i kaŋ ne ka bo naŋ duniyaa daŋolu to, ì ye a fo ko: “Ntolu la alifaa foloolu maŋ keetaafeŋ soto fo jalaŋ kenseŋolu, jalaŋ kenseŋolu, nafaa te mennu la.

Yeremiya 2:13

“N na moolu ye junube kuu jawu fula le ke, ì ye m bula le, nte meŋ mu baluwo jiyo diilaa ti, ì ye koloŋolu siŋ ì faŋ ye, koloŋ tiñaariŋolu mennu te jii bondi noo la kotenke.”

Mika 1:2

Ali moyiroo ke bankoolu bee, ali bee kewu. Duniyaa niŋ a konokono feŋolu, ali i lamoyi. M Maarii Yaawe faŋo le be seedeyaa la ali la kuwo la, ka bo a taradulaa senuŋo to.

1 Samuweli 12:21

Ali kana bula jalaŋ fuuriŋolu nooma. Ì te feŋ ke noo la ali ye, sako ka ali tankandi, kaatu ì maŋ nafaa soto.