Yunusa 2:6 - Mandinka Bible

⁶ N taata fo baa duumoo to, n dunta banku le to, meŋ bundaalu ka tu sorondiŋ fo abadaa. Bari ite, hee Yaawe m Maariyo i ye m bondi naŋ ñiŋ diinoŋo to le, m baluuta.

Yunusa 2:6 Mawu Ofanana

Yuuba 33:24

A si ke noo, wo malaayikoo ye balafaa soto a ye, a ye yamfoo daani a ye Alla bulu, ka kana kaburu dinkoo ma. A si a fo Alla ye ko, “A kanandiraŋ kumakaaraŋo fele.”

Yuuba 33:28

Alla ye n tanka le ka duŋ kaburu dinkoo kono, m be baluwo to le hani saayiŋ.”

Jabuuroolu 104:6

I ye fankaasoo feenee a kaŋ ne, ko muurilaŋo, jiyo ye konkoolu kunuŋ.

Jabuuroolu 104:8

A woyita ka bo konkoolu kaŋ, ka taa wulumbaŋolu kono, a taata, i ye dulaa ke a ye daameŋ to.

Jabuuroolu 116:3

Saayaa jalamaa le naata n kaŋ karoo bee la, kaburoo silaŋo dunta n na, n tarata dewuŋo niŋ kijafaroo kono.

Jabuuroolu 143:7

Hee Yaawe, n jaabi katabake, n jikilateyita le. Kana i ñaa faa m ma, niŋ wo nte n si taa laakira.

Jabuuroolu 16:10

I te n tu la saayaa kono. I te soŋ na, i la lannamoo ye taa kaburoo kono.

Jabuuroolu 18:5

Kaburoo silaŋo dunta n na, saayaa silaŋo semboo sutiyaata n na.

Jabuuroolu 30:3

Hee Yaawe, i ye n tanka kaburoo ma le. Domandiŋ n si taa dinkoo kono, bari i ye m murundi baluwo to le.

Jabuuroolu 30:9

“I be muŋ ne soto la nte la saayaa to? Nte la taa dinkoo kono, nafaa le be ite ye wo to baŋ? Fo bankumunkoo be i tentu la le baŋ? Fo a be i la beteyaa bambaloo fo noo la le baŋ?

Jabuuroolu 55:23

Ite Alla le be wo moofaalaalu niŋ neeneerilaalu ñori la kaburoo duuma, janniŋ ì be ì siyo talantewo baluu la. Bari nte de, ŋa n jikoo loo ite le kaŋ.

Jabuuroolu 65:6

Ite le ye konkoolu londi i semboo la, kaatu semboo be ite le bulu.

Jabuuroolu 69:2

M be kunuŋ kaŋ potoo mereŋo le kono tuku te daameŋ. M bulata jii diinondiŋo le kono, aduŋ jiibaliŋolu le ka sele n kaŋ.

Yesaya 38:10

Ŋa ñiŋ ne miira m faŋ ma ko, m be n taŋ niŋ fula waatoo meŋ na, saayaa be n na daa konkoŋ na le, ka n na baluwo toomaa bee buusi m bulu.

Yesaya 38:17

Tooñaa, ka dimiŋ baa ñiŋ muña, keta n ye kendeyaa le ti. I ye i la kanoo yitandi n na le, ka n tankandi kasaaroo dinkoo ma. I ye n na junuboolu bee fayi i kooma le.

Yesaya 40:12

Jumaa le si baajiyo sumaŋ noo niŋ a buluñaa la, waraŋ ka saŋ fatoolu la waroo sumaŋ niŋ a buluteetee la? Jumaa le si ñiŋ duniyaa kankaŋo bee sumaŋ noo niŋ sinsiŋo la, waraŋ ka konko baalu niŋ konkoriŋolu peesa niŋ peesarilaŋo la?

Esekiyeli 26:20

Wo waatoo la m be i samba la fureeduu le, i ye taa ka kafu wo moolu ma mennu faata i ñaa. M be i samba la laakira le, i ye taa sabati kasaara dulaalu to, aduŋ i te muru noo la naŋ kotenke ka naa dulaa soto bankoo to, moo baluuriŋolu be daameŋ.

Esekiyeli 31:14

Wo kamma la, yiroolu mennu bee falinta jii daala, a ye wolu bali le ka jaŋayaa waraŋ ka ì buloolu fayi ka jamfa fo ka sutiyaa minaayoolu ma. Kaatu saayaa le be ì ñaato ka taa kaburoo kono, ka taa kafu doolu ma mennu faata ì ñaa, ì be kaburoo le kono.”

Habakuki 3:10

Biriŋ konkoolu ñaa boyita i kaŋ, ì jarajarata le, jii jamaa bonta naŋ duuma. Fankaasoo bumbunta, a ye jiibaliŋo moolondi santo.

Habakuki 3:6

A loota, a ye duniyaa jarajarandi, a ye a ñaa tiliŋ bankoolu la, ì jarajarata. Konko baalu, ì meeta looriŋ ñaa-wo-ñaa, ì katiŋ-katinta ñoo kono, konkoriŋ kotoolu jiita duuma, a la siloolu le mu kabiriŋ.

Matiyu 16:18

Aduŋ m be a fo la i ye, ite mu Pita le ti. M be n na kafoo loo la ñiŋ beroo le kaŋ, hani saayaa semboo te wo kafoo tiñaa noo la.

5 Musa 32:22

N na kamfaa be mala la naŋ ne ko dimbaa, ka duniyaa jani fo fureeduu to, ka duniyaa niŋ a fiifeŋolu bee domo, ka taa wo la fo konkoolu fondamaŋolu to.